კინოსა და თეატრის ქართველი მსახიობი, მიშა გომიაშვილი, რომელმაც საზოგადოებას თავი განსაკუთრებით დაამახსოვრა სერიალიდან ‘‘ყავა და ლუდი’’, საავადმყოფოში გადაღებულ ფოტოს, ჯანმრთელობის მდგომარეობასთან დაკავშირებით გაკეთებულ პოსტს, სოციალურ ქსელში აქვეყნებს:
‘‘ბევრი ჩემი მეგობარი, ბევრი ნაცნობი თუ უცნობი, (რაც ძალიან მიხარია) მირეკავს, მწერს, აინტერესებთ ჩემი ჯანმრთელობის მდგომარეობა…
მოგახსენებთ: კორონავირუსი ღმერთის წყალობით არ მაქვს! 2 კვირა ვიწექი გულის კლინიკაში, არაჩვეულებრივი ექიმების გარემოცვაში, სიკვდილის უფლებაც კი არ მომცეს…
ერთხელ გამიჩერდა გული და იმდენი დენი გაატარეს ჩემში, სანამ არ ამიმუშავეს!
ვიწექი დიაგნოზით: მიოკარდიუმის ქვემო კედლის მწვავე ტრანსმურული ინფარქტი! გამიკეთეს კორონაროგრაფია–ანგიოპლასტიკა 1 წამლით დაფარული სტენტით. ახლა ვარ სახლში, ცოტა სუსტად…’’, – წერს ფეისბუქის პირად გვერდზე მიშა გომიაშვილი.
ავტორი
ანა რობაქიძე
