„ტაბულას“ დამფუძნებელი და ყველასთვის ცნობილი სახე თამარ ჩორგოლეიშვილი სოციალურ ქსელში გრიგოლ ვაშაძის განცხადებას გამოეხმაურა. პოსტში ის “ერთიანი ნაციონალური მოძრაობის” თავმჯდომარის ოპოზიციისადმი მიმართვას ბოდვას უწოდებს, ხოლო პარტიის წევრებს უწესოებად მოიხსენიებს:
„ნაცმოძრაობავ – გაგვაგებინეთ თქვენი თავმჯდომარე რას ბოდავს.
თქვენი პოლიტსაბჭოს თავმჯდომარე სადაა?
და ასევე საინტერესოა, რას ფიქრობს ვაშაძის განცხადებაზე თქვენი ბელადი?
თანმიმდევრულობა თქვენი ძლიერი მხარე არ ყოფილა, რაც თქვენგან ტვინები გავიდა, მას მერე, განსაკუთრებით, მაგრამ ეს ახლა ყველას ეხება და ეგებ განგვიმარტოთ მედიას!
მიუხედავად იმისა, ვეთანხმებოდი თუ არა ბოიკოტს, ხელისუფლებაზე ეფექტიანი წნეხისთვის ცალსახად ყველაზე მნიშვნელოვანი მგონია თანმიმდევრულობა.
ამასთან – ყველაფერს აქვს თავისი წესი (უწესოები რომ ხართ, ეგეც დიდი ხანია ვიცი, მაგრამ ახალი საზღვრები აღმოგიჩენიათ).
როცა ერთსულოვან გადაწყვეტილებასთან გვაქვს საქმე, ღირსეული ადამიანი, გასაჯაროვებამდე შიგნით კამათობს გადაწყვეტილების შესაცვლელად.
ეს ვაბშე რა წესია? სად გაიზარდეთ?“, – აცხადებს თამარ ჩერგოლეიშვილი.
რამდენიმე საათის შემდეგ ჩორგოლეიშვილმა ახალი პოსტი გამოაქვყენა, რომელიც უკვე საქართველოს მესამე პრეზიდენტის, მიხეილ სააკაშვილის წინააღმდეგ არის მიმართული, საკითხი კი ეხება მის დაბრუნებას საქართველოში.
„ამ ლაჩარს ვინმემ აუხსნას, რომ პირადად მისი საქმე იყო გაქცევა, და პირადად მისი საქმეა დაბრუნებაც.
ოპოზიციას ტენის თავის მშიშრობას ეს სინდისგარეცხილი.
ვინც ამას თავზე ისვამთ, როგორ გძინავთ“, – წერს თამარ ჩერგოლეიშვილი ფეისბუქის პირად გვერდზე.
ავტორი
ნუცა ჯოხაძე
