გავრცელებული ფარული ჩანაწერების თაობაზე, სოციალური ქსელის მეშვეობით, განცხადებას ავრცელებს “ნაციონალური მოძრაობის” პოლიტსაბჭოს წევრი, სალომე სამადაშვილი:
“ბევრი ადამიანი მწერს, ამიტომ აქ ვუპასუხებ: დღეს გავრცელებული ჩანაწერის შინაარსის განხილვაში არ შევალ – ეს არის სხვადასხვა დროს, ფარული მიყურადებით განხორციელებული პირადი საუბრების ჩანაწერების მონტაჟი. ანუ, რომ გესმოდეთ, შესაძლოა თქვენ საუბარს იწერდნენ, როდესაც ყავას სვამთ მეგობართან ერთად, რომელიმე კაფეში ან რესტორანში. არაა გამორიცხული გისმენდნენ საკუთარ სამზარეულოშიც. “ქართული ოცნება” ისე გაიხრწნა, აღარც მალავს, რომ უსმენს, იწერს, უთვალთვალებს…
ფარული ჩანაწერების ფრიალი რომ დაიწყო, მაშინ დაადგა “ნაციონალური მოძრაობის” ხელისუფლება დაისის გზას. ახლაც ესეა, წრეზე არა, მაგრამ სპირალზე ტრიალებს ისტორია.
ქოცების ადგილზე ამაზე უფრო ვიდარდებდი, ვიდრე ამ ჩანაწერის შინაარსზე. კოვიდის კარგი წამალი ისე კარგი ძილია – მადლობა ტელეიმედს, კიდევ ერთხელ დაგვარწმუნა დღეს ოცნების აგონიაში,” – წერს ფეისბუქის პირად გვერდზე სალომე სამადაშვილი.