სააკორდინაციო საბჭოს სხდომაზე, უწყებათაშორისი სააკორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ ისაუბრა ქვეყანაში არსებული ეპიდემიოლოგიური მდგომარეობის მიხედვით, არსებულ სტატისტიკაზე:
„დღეის მდგომარეობით, ბოლო 24 საათის განმავლობაში, დაფიქსირებულია კორონავირუსის 1759 ახალი შემთხვევა. ქვეყანაში პირველი ინფიცირებიდან დღემდე დადასტურებული შემთხვევების საერთო რაოდენობა შეადგენს 24562.
ბოლო 24 საათში გვყავს 350 გამოჯანმრთელებული, ხოლო გამოჯანმრთელებულების საერთო რაოდენობა 9751 ადამიანს შეადგენს.
სამწუხაროდ ბოლო 24 საათის განმავლობაში გვყავს 5 გარდაცვლილი, ხოლო 26 თებერვლიდან დღემდე, მათი ჯამური მაჩვენებელია 183.
დღეს გამოვლენილი 1759 შემთხვევიდან რეგიონებზე ნაწილდება შემდეგნაირად:
აჭარის რეგიონში გვაქვს 487 შემთხვევა
იმერეთი – 356
ქვემო ქართლში – 36
შიდა ქართლში – 35
გურია – 17
სამეგრელო-ზემო სვანეთში – 69
კახეთში – 24
მცხეთა მთიანეთში – 12
სამცხე-ჯავახეთში – 30
რაჭა-ლეჩხუმსა და ქვემო სვანეთში – 7
ხოლო თბილისში ფიქსირდება 686 ახალი შემთხვევა.
ამ ეტაპზე აქტიური ინფიცირებულების რაოდენობა გახლავთ 14 421 პირი, 3234 მკურნალობს საავადმყოფოში, მათ შორის თბილისის საავადმყოფოში მათგან გადანაწილებულია 1577 პირი, ხოლო აჭარის რეგიონში 641.
მძიმე პაციენტი დღეის მდგომარეობით გვყავს 397, მათ შორის თბილისში 201, აჭარის რეგიონში 80, ხოლო ხელოვნური მართვით სუნთქვის აპარატზე იმყოფება 82 პირი, მათ შორის თბილისში 53, ხოლო აჭარაში 12, 2025 პირი მოთავსებულია კოვიდსასტუმროში, მათ შორის გადანაწილებულია 1110 პირი აჭარის რეგიონში, 676 ადამიანი თბილისში, 9162 ადამიანი მკურნალობის კურსს გადის ბინაზე, საკარანტინე სივრცეში მიმდინარე ეტაპზე გვყავს 4263 ადამიანი, მათ შორის თბილისში 836, აჭრაში 2205, ხოლო 6-22 ოქტომბრის პერიოდში საზღვრიდან სასტუმროებში გადაყვანილია 7583 პირი.
დღეის მდგომარეობით თვითიზოლაციაში იმყოფება 25 759 ადამიანი, საიდანაც თბილისში გვყავს 3243, აჭარაში 10 852 ხოლო იმერეთში 3521.
ეს გახლავთ ის სტატისტიკური მონაცემები რომელიც 23 ოქტომბრის მდგომარეობით ასახავს ქვეყანაში არსებულ ეპიდემიოლოგიურ ვითარებას“, – განაცხადა ბერდია სიჭინავამ.
ავტორი
ემილი ფეიქრიშვილი
