საკოორდინაციო საბჭოს სხდომის შემდეგ, საქართველოს მთავრობის ადმინისტრაციის ხელმძღვანელმა, ნათია მეზვრიშვილმა განმარტებები გააკეთა “კოვიდ-19”-ით ინფიცირებულების მართვასთან დაკავშირებით:
„კორონავირუსით ინფიცირებულების მკურნალობა, კლინიკური მართვის ახალი მოდელის მიხედვით, გრძელდება ბინაზე და კოვიდ სასტუმრებში. ინფიცირებულებს ზედამხედველობენ ექიმები. ბინაზე ან სასტუმროში მკურნალობა არ ნიშნავს იმას, რომ პაციენტები ექიმების მეთვალყურეობის გარეშე არიან დატოვებული.
ჩვენ მაქსიმალურად ვცდილობთ, რომ საავადმყოფოები გამოვიყენოთ ქრონიკული დაავადებების მქონე ინფიცირებულებისთვის და იმ ადამიანებისთვის რომლებსაც ყველაზე მეტად სჭირდებათ საავადმყოფოში მკურნალობა.
ზოგადად უნდა ითქვას, რომ ინფიცირებულთა მაჩვენებლის ზრდა არის ჩვენთანაც, ისევე როგორც მთელ მსოფლიოში და შესაბამისად ვაგრძელებთ მართვის პროცესს, მათ შორის, კლინიკური მართვის, ახალი მოდელის მიხედვით.
აგრეთვე, დღიდან ძალაში შედის შემდეგი წესი: საქართველოს მოქალაქეები, რომლებიც ნებისმერი ქვეყნიდან შემოვლენ საქართველოში, PCR ტესტის ფლობის შემთვევაში, გადავლენ თვითიზოლაციაში, ნაცვლად კარანტინისა“, – განაცხადა ნათია მეზვრიშვილმა.
ინფორმაციისთვის:
ბოლო 24 საათში საქართველოში, კორონავირუსით ინფიცირების 1351 ახალი შემთხვევა დადასტურდა, გამოჯანმრთელდა 337 ადამიანი, 14 კი გარდაიცვალა.
ამის შესახებ ინფორმაცია Stopcov.ge-ზე განახლდა.
ბოლო მონაცემებით საქართველოში:
კორონავირუსით ინფიცირებულია – 21208
გამოჯანმრთელებულია – 9003
მათ შორის გარდაცვლილია – 172
კარანტინის რეჟიმში რჩება – 4462
კოვიდ სასტუმროში მყოფი პირები – 1772
სტაციონარში მეთვალყურეობის ქვეშ – 3071
მათ შორის საქართველოში სამკურნალოდ გადმოყვანილია – 41 პაციენტი.
ავტორი
ემილი ფეიქრიშვილი
