პოლიტიკურმა პლატფორმა „სტრატეგია აღმაშენებელმა“ და განათლების სფეროს წარმომადგენლებმა, საქართველოს განათლების შესახებ, ეროვნული თანხმობის დეკლარაციას ხელი მოაწერეს.
ამ თემაზე საინფორმაციო სააგენტო „პარალელთან“ კომენტარი გააკეთა „სტრატეგია აღმაშენებლის“ განათლების მიმართულების ხელმძღვანელმა ნანა ტოხვაძემ:
- რას ითვალისწინებს ზოგადი განათლების შესახებ ეროვნული თანხმობის დეკლარაცია?
– დოკუმენტი არის მრავალთვიანი მუშაობის შედეგად მიღებული, რაც მთავარია იძლევა თანამშრომლობის გარანტიას, რომ განათლებაში ნებისმიერი ცვლილება აუცილებლად უნდა განხორციელდეს, მას შემდეგ, რაც განათლების სფეროს ექსპერტების, პედაგოგების და მასწავლებლების ჩართულობის შედეგად მიიღება.
ამ ეტაპზე, განათლების სათანადო სისტემის არ არსებობა, გამოწვეულია იმით, რომ ყოველთვის რეფორმა მიდიოდა მშობლის, მასწავლებლის, სკოლის ადმინისტრაციის და დირექტორის აზრის გათვალისწინების გარეშე, ეს მანკიერი პრაქტიკა უნდა დასრულდეს და რაც მთვარია ჩვენ გვქონდა შანსი, რომ „სტრატეგია აღმაშენებლის“ განათლების მიმართულების მთავარი პრობლემა, დეპოლიზაცია, დეცენტრალიზაცია და განათლების მოდერნიზება ამ დოკუმენტში მოგვექცია, სწორედ დარგის სპეციალისტებთან და სასკოლო საზოგადოების წარმომადგენლებთან ერთად.
- რა ძირითადი პრობლემებია შესაცვლელი განათლების მიმართულებით, ხელისუფლების შეცვლის შემდეგ?
– ყველაზე დიდი პრობლემა, ამ ეტაპზე რაც იკვეთება, არის პოლიტიკური წნეხი, დირექტორების და მასწავლებლების მიმართ, როგორც წესი ეს ადამიანები გამოყენებულნი არიან წინა საარჩევნო ბერკეტად და ისინი, ყოველთვის ექცევიან სახელისუფლებო გუნდის ზეწოლის ქვეშ, პოლიტიკური მანკიერი პრაქტიკა უნდა დამთავრდეს საქართველოში, მასწავლებელი უნდა იყოს თავისუფალი და მათ მიმართ განხორიცელებული, დღევანდელ დღემდე არსებული ყოველგვარი ექსპერიმენტები უნდა დამთავრდეს, ჩვენ გვჭირდება თავისუფალი, ავტონომიური სკოლა, ფინანსური თუ მმართველობითი კუთხით და რაც მთვარია, მასწავლებელი უნდა იყოს პასუხისმგებელი ბავშვის, მოსწავლის შედეგზე და არა არჩევნების მოგებაზე, ამა თუ იმ პოლიტიკური გუნდის მიერ.
ავტორი
ემილი ფეიქრიშვილი
” – თემურ ჯანაშია