„სტრატეგია აღმაშენებლის” ლიდერმა გიორგი ვაშაძემ დღეს 20 კაციანი პარტიული სია წარადგინა. მისივე შეფასებით, სიაში ახალი სახეები არიან, რომლებიც ორიენტირებულნი იქნებიან ქვეყნის განვითარებისთვის. თითოეული მათგანი შერჩეულია სამი კრიტერიუმით; პროფესიონალიზმი, პატიოსნება-სუფთა წარსული და რაც ყველაზე მნიშვნელოვანია სამშობლოს სიყვარული. ვაშაძის თქმით, ისინი არიან ადამიანები, რომლებმაც გადადგეს ნაბიჯი პოლიტიკაში იმისთვის, რომ ქვეყნის აღმშენებლობაში მიიღონ მონაწილეობა:
„დღეს ისტორიის უმნიშვნელოვანესი ადგილიდან, მეტეხის ტაძრის ეზოდან, თქვენთან ერთად და ათასობით ჩვენს მხარდამჭერთან ერთად, რომლებიც არსებული შეზღუდვების გამო ტელე-ეთერებიდან გვადევნებდა თვალს, წარმოგიდგინეთ საქართველოს აღმშენებლობის და განახლების გუნდი, საქმის მკეთებელთა გუნდი, ფულის მკეთებელთა გუნდის საპირწონედ. შესაბამისად, 31 ოქტომბერს, ჩვენ გვექნება მარტივი არჩევანი: საქმის მკეთებელთა გუნდი „სტრატეგია აღმაშენებლის“ სახით ან ფულის მკეთებელთა გუნდი „დამსხვრეული ოცნებების“ სახით! მჯერა ჩემი ხალხის, საქართველოს მოქალაქეების, რომ როგორც 1991 წლის 31 მარტის საყოველთაო რეფერენდუმზე გააკეთეს არჩევანი თავისუფლებისა და ღირსების სასარგებლოდ, ახლაც, 31 ოქტომბერს ისინი სწორ არჩევანს გააკეთებენ საქართველოს აღმშენებლობის სასარგებლოდ. მჯერა და მწამს, რომ სწორედ ეს არჩევანი გახდება საქართველოსთვის ისტორიული შემობრუნების წერტილი იმ უფსკრულიდან, რომელში გადაჩეხვასაც ივანიშვილი და დამსხვრეული ოცნებების პარტია უპირებს ჩვენს ქვეყანას, ჩვენს ერს!“ – განაცხადა გიორგი ვაშაძემ.
„სტრატეგია აღმშენებლის“ ოცეული ასე გამოიყურება:
1. გიორგი ვაშაძე
2. თაკო ჩარკვიანი
3. პაატა მანჯგალაძე
4. თეონა აქუბარდია
5. ბესო ბარქაია
6. სერგო ჩიხლაძე
7. დავით ცეკვავა
8. თეონა ჭალიძე
9. ლევან ჭიჭინაძე
10. გიორგი თევდორაძე
11. გიორგი ცობეხია
12. ნანა ტოხვაძე
13. თამთა შამათავა
14. დავით თოფურია
15. მანანა ჯებაშვილი
16. ანა კობახიძე
17. ლაშა დიაროვი
18. თამილა ჯაფარიძე
19. გიორგი ხაბურზანია
20. ედნარ მგელაძე