“ბაჩალიაშვილის საქმის გაჭიანურება აწყობდა მას, ვისაც თამარი ხელს უშლიდა” – დავით ფურცხვანიძე

,,უსაფრთხოების პრობლემების ანტიკრიზისული ცენტრის“ ხელმძღვანელმა დავით ფურცხვანიძემ სააგენტო ,,პარალელთან“ ინტერვიუს დროს ისაუბრა თამარ ბაჩალიაშვილის სიკვდილთან დაკავშირებულ დეტალებზე. მისი აზრით შესაძლებელია საქმეში გარეულები იყვნენ გავლენიანი ფიგურები:

,,ბაჩალიაშვილის საქმის გაჭიანურება აწყობდა მას, ვისაც თამარი ხელს უშლიდა და დაბრკოლებას წარმოადგენდა. ასევე, შესაძლებელია, რომ იგი იყო უხერხული მოწინააღმდეგე.

არგუმენტირებულად მტკიცება შეუძლებელია იმისა, რომ აღნიშნულ საქმეში  სახელმწიფოს რომელიმე შტოს წარმომადგენელი იყოს გარეული.

ბაჩალიაშილი საქმე, ცხადია, არის დიდი თემა. შესაბამისად, გავლენიანი ფიგურები შესაძლებელია იყვნენ საქმეში გარეულები“, – განაცხადა დავით ფურცხვანიძემ

შეგახსნებთ, რომ ელისო კილაძე, ჟურნალისტური გამოძების საფუძველზე, აცხადებდა, რომ ბაჩალიაშვილის საქმეში იკვეთება მმართველი პარტიის ერთ-ერთი მაღალი რანგის პოლიტიკოსის როლი. თუმცა, დავით ფურცხვანიძემ, აღნიშნულ თემაზე, კომენტარის გაკეთებაზე უარი განაცხადა.

ავტორი
ნინი ხიჯაკაძე