საქართველოს მთავრობის ადმინისტრაციის საგანგებო შტაბში გამართულ სხდომაზე, აჭარის მთავრობის თავჯდომარე გიორგი რიჟვაძემ განაცხადა, რომ ქვეყანაში მყოფ კოვიდინფიცირებულთა მზარდი დინამიკის გათვალისწინებით, არსებულ ხარვეზებთან დაკავშირებით, მიმდინარეობს გაძლიერებული კონტროლი:
„მზარდი დინამიკის ფონზე, რა თქმა უნდა, იყო გარკვეული ერთეული ხარვეზები და მე პირადად ვეცნობი, ყველა მოქალაქის და მათ შორის პაციენტის მდგომარეობას. ამიტომ ჩვენ ვაპირებთ, რომ კლინიკური მიმართულება კიდევ უფრო მეტად გავაძლიეროთ.
რა თქმა უნდა ერთეული შემთხვევები გვქონდა, როგორც დაყოვნებების, მათ შორის, ასევე ლაბორატორიული ნიმუშების პასუხების თალსაზრისით. ჩვენ, ეს ერთეული შემთხვევები, რა თქმა უნდა ვიცით, ამიტომ გვაქვს მონიშნული და შესაბამისი კონსულტაციები უკვე არის გამართული კლინიკებთან“, – განაცხადა გიორგი რიჟვაძემ.
ავტორი
ემილი ფეიქრიშვილი
