გუშინ, გვიან ღამით, „ნაციონალური მოძრაობის“ წევრს, ლაშა ცუცქირიძეს ორი უცნობი პირი თავს დაესხა, იოსებიძის ქუჩაზე და ფიზიკურად გაუსწორდა.
ინციდენტთან დაკავშირებით „სამართალდამცველთა რეფორმირების ცენტრის“ ხელმძღვანელი, ზვიად კუპრავა სოციალურ ქსელში ავრცელებს ინფორმაციას.
კუპრავას თქმით, ცუცქირიძის მდგომარეობა ამ ეტაპისთვის ნორმალურია, მას სახეზე და თავზე აქვს ნახეთქი ჭრილობები, რომლებიც არის მიყენებული „კასტეტით“:
„მეგობრებო და გულშემატკივრებო, პირველ რიგში გეტყვით, რომ ლაშას მდგომარეობა არის ნორმალური და სტაბილური.
მას სახეზე და თავზე აქვს ნახეთქი ჭრილობები, რომლებიც არის მიყენებული ე.წ. კასტეტით.
უშუალოდ თავდამსხმელები იყვნენ ორნი, რომლებსაც ეკეთა პირბადე და ეხურათ კეპი. თუმცა, თავდასხმის შემდეგ გაქცევის დროს ერთ-ერთს მოსძვრა პირბადე და ქუდი, შესაბამისად მისი იდენტიფიცირება კამერების მეშვეობით არის ძალიან მარტივი. მითუმეტეს, რომ შემთხვევა მოხდა იოსებიძეზე, მერიის მიმდებარედ და თავდამსხმემელებიც იოსებიძის ქუჩიდან მერიის მიმართულებით გაიქცნენ, სადაც უამრავი კამერაა. ასევე, პოლიციის მიერ ამოღებულ პირბადეზე და ქუდზე გამორიცხულია არ იყოს თავდამსხმელის მიკრონაწილაკები და დეენემი. სურვილის შემთხვევაში გამოძიებისთვის 48 საათი სრულიად საკმარისია საქმის გასახსნელად და ზონდერ ჯგუფის გამოსავლენად.
ლაშა მალე გამოვა კლინიკიდან და იქნება ძალიან კარგად, მაგრამ თქვენ სად დაიმალებით ნაბიჭვარო ზონდერებო და დამკვეთებო. ნამდვილად მალე მოვა თქვენი დრო, უკლებლივ ყველა მიეცემით პასუხისგებაში კანონის სრული სიმკაცრით. ვეღარ გიშველით თქვენი ცეკას ინსტრუქტორი ვოლსკი,“ – წერს ფეისბუქის პირად გვერდზე ზვიად კუპრავა.
სოცალური ქსელის მეშვეობით, მის მიმართ განხორციელებული ძალადობის თაობაზე” ინფორმაციას ავრცელებს დაზარალებული ლაშა ცუცქირიძეც და აცხადებს, რომ მომხდარი არავის შერჩება და კანონის წინაშე აგებენ პასხუს აქვე აღნიშნავს, რომ ამ საქცელით მასში „მხეცი“ გააღვიძეს:
„სისხლიანი ქრონიკა გრძელდება!
დღეს მე გავხდი კიდევ ერთი მსხვერპლი ამ ხელისუფლების, სახლში მიმავალს მეუღლესთან და დასთან ერთად, თავს დამესხნენ და ფიზიკურად გამისწორდნენ!
არ შეგარჩენთ და პასუხს კანონის წინაშე აგებთ და არა ისე მზაკვრული, ლაჩრული ხერხით, საცოდავები ხართ და მეცოდებით! შეშინება გინდოდათ??? ხოდა მხეცი გააღვიძეთ ჩემში!!!
ბრძოლა გრძელდება საბოლოო გამარჯვებამდე! ძალა ჩვენს ერთობაშია მეგობრებო!“ – წერს ფეისბუქის პირად გვერდზე ლაშა ცუცქირიძე.
ავტორი
საბა გოგებაშვილი
