დარჩება თუ არა 24 000 ავტოიმპორტიორი ლუკმა–პურის გარეშე? – ლაშა დარბაისელი

322

,,საქართველოს ავტო იმპორტიორთა ასოციაციის“ თავმჯდომარემ, ლაშა დარბაისელმა სააგენტო ,,პარალელთან“ ინტერვიუს დროს განაცხადა, რომ COVID19–ის გამო ავტოიმპორტიორების ბიზნესი გაქრობის პირასაა. მისივე თქმით,  სწორედ  ამ ბიზნესზე იდგა წლების განმავლობაში საქართველოს  ეკონომიკა. ლაშა დარბაისელმა აღნიშნა, რომ ქვეყანაში დარეგისტრირებულია 24000-მდე ავტოიმპორტიორი დღეს  მძიმე კრიზისულ სიტუაციაში იმყოფება:

,,ხელისუფლებისგან მოვითხოვთ ყურადღებას, რომ დაგვეხმარონ ეპიდსიტუაციის ფონზე. შეღავათები გაუკეთონ  მცირე და საშუალო ბიზნესებს.

დღეს ავტოიმპორტი, რეალურად, შეჩერებულია. აღნიშნული სექტორი გულისხმობს $700 მლნ–იან წლიურ ბრუნვას. გასულ წლებში საქართველო პირველ ადგილს იკავებდა ექსპორტში.

იანვრიდან ივნისის ჩათვლით ავტოიმპორტიდან შემოსავალი შეადგენს მხოლოდ და მხოლოდ $184 მლნ–ს. ეს ბიზნესი დგას გაკოტრების საშიშროების წინაშე. 24 ათასი ავტოიმპორტიორის უკან დგას ოჯახი, რომლებიც შესაძლოა ლუკმა–პურის გარეშე დარჩნენ.

მივმართავთ ხელისუფლებას, რომ გაგვიწიონ შეღავათები. ჩვენ გვაქვს ორი ძირითადი მოთხოვნა, რომელთა მეშვეობითაც შესაძლებელია უფსკრულიდან კვლავ ზედაპირზე ამოსვლა:

  1. განბაჟების ვალდებულების გადავადება შეეხოს 1 მაისის შემდეგ შემოყვანილ ავტომობილებს, 2021 წლის მარტამდე.
  2. გაიხსნას საზღვრები იმ ქვეყნებთან, რომელთანაც საქართველოდან ხდება ავტომობილების რეექსპორტი.

ავტომობილების ბიზნესს აქვს იმის პოტენციალი, რომ კვლავ გაამყაროს ლარის კურსი და ქვეყანა გამოიყვანოს ეკონომიკური კრიზისისგან“, – განაცხადა ლაშა დარბაისელმა.

ავტორი
ნინი ხიჯაკაძე

კომენტარები