პოლიტოლოგმა გელა ვასაძემ სააგენტო „პარალელთან“ ინტერვიუში “სტრატეგია აღმაშენებლის” ლიდერ გიორგი ვაშაძის მიერ პრემიერ გიორგი გახარიას დებატებში გამოწვევა შეაფასა და აღნიშნა, რომ დებატები სავსებით ბუნებრივი მოვლენაა და მთავრობის მეთაური თუ უარს იტყვის, ეს მისთვის წამგებიანი იქნება:
“დებატები აბსოლიტურად ბუნებრივი და ნორმალური მოვლენაა, მით უმეტეს დემოკრატიულ ქვეყნებში, არანორმალურია, თუ ვინმე, მით უმეტეს მმართველი ძალის მთავარი ფიგურა, სიის პირველი ნომერი არ მიიღებს ამ წინადადებას. სათქმელი ბევრი აქვს გიორგი ვაშაძეს და გიორგი გახარიასაც, აქედან გამომდინარე საინტერესო იქნებოდა ამ დებატების ნახვა.
ცხადია არანორმალური იქნება, თუ გახარია არ დათანხმდება დებატებს. ნებისმიერ დემოკრატიულ ქვეყანაში უარი წაგებად ჩაეთვლებოდა პოლიტიკოსს და რეიტინგსაც დაკარგავდა. რამე განსაკუთრებული დებატებში არაა, პოლიტიკა სხვა არაფერია თუ არა დებატები და საზოგადოებრივი აზრის ფორმირება.
პრემიერ გახარიასთვის წამგებიანი იქნება, თუ იგი უარს იტყვის დებატებზე, იგნორს გაუკეთებს ამ შეთავაზებას. ვინც არ იღებს მონაწილეობას მსგავს ღონისძიებებში, ის უკვე აგებს,” – აღნიშნავს გელა ვასაძე.
ავტორი
ნინო ცინცაძე
