„სტრატეგია აღმაშენებლის“ ლიდერი გიორგი ვაშაძე მოქმედი მთავრობის მხრიდან „ფულის კეთების“ სკანდალურ ფაქტებსა და კორუფციულ სქემებზე საუბრობს, ამასთან იმ ბიზნეს კომპანიებს ასახელებს, რომელთაც “დამსხვრეული ოცნებების” პარტია რეალურად ეხმარება. ოპოზიციონერი ლიდერის თქმით ხელისუფლებასთან დაახლოებულმარომელმა კომპანიებმა ისარგებლეს პანდემიის დროს და სხვა ბიზნესისგან განსხვავებით დახმარება მიიღეს, ჩამონათვალს “სტრატეგია აღმაშენებელის” ლიდერი ასაჯაროებს:
„ჩვენ წარმოგიდგენთ მართლაც ძალიან სკანდალურ და შემზარავ თემას, რომელსაც პირობითად „გახარიასეული ფულის კეთების სქემა, ჯიგრულ პონტში“ დავარქვით. ეს არის მისი ტერმინები და სწორედ ამ ტერმინებით ვესაუბრებით მას. როცა მცირე და საშუალო ბიზნესი, ასევე ტურიზმი არის კატასტროფულ მდგომარეობაში, ვინ დააფინანსა გახარიამ და მისმა გუნდმა? რეალურად ვის ეხმარება საქართველოს ხელისუფლება?“ – კითხულობს გიორგი ვაშაძე და საზოგადოებას ის კორუფციული სქემა წარუდგინა, რომელიც სწორედ მოქმედმა მთავრობამ დააანონსა, რომ თითქოს ისინი სულ მალე დაიწყებდნენ სესხის პროცენტის სუბსიდირებას სასტუმროს მეპატრონეებისთვის. მისივე თქმით, ხელისუფლების იღბლიანთა 500 კომპანიის სიაში ზაქარია ქუცნაშვილიც მოხვდა და არა იმ 3000 კომპანიაში, ვისაც დაფინანსებაზე უარი უთხრეს. ასევეა ზურაბ ხაჩიძე, “საქართველოს ბანკის”-ის შვილობილი კომპანია “გუდაური ლოჯი”. “საქართველოს ბანკს” მისივე გაცემული სესხის პროცენტი ბატონმა გახარიამ დაუსუბსიდირა.
„რეალურად, 4 247 განაცხადი შევიდა სუბსიდირების მოთხოვნით და აბსოლუტურ უმრავლესობას, 3 000-ზე მეტს, ბიუროკრატიული მიზეზების გამო უარი უთხრეს. მაშინ ვინ დააფინანსა გახარიამ და მისმა გუნდმა თავიანთი გადაწყვეტილებებით? ბატონი ზაქარია ქუცნაშვილი, ბატონი ზურაბ ხაჩიძე, რომელიც სამცხე-ჯავახეთის გუბერნატორის მოადგილეა, სწორედ მათი ბიზნესი მოხვდა იმ 500 კომპანიას შორის და არა იმ 3 000 კომპანიაში, ვისაც უარი უთხრეს. “ასევე საქართველოს” ბანკის შვილობილი კომპანია „გუდაური ლოჯი“. ანუ, გამოდის რომ, “საქართველოს ბანკს” მისივე გაცემული სესხის პროცენტი სუბსიდირება მოახდინა ბატონმა გახარიამ. სია საკამოდ დიდია, მათ შორისაა, „ალტიტუდი“, “სევსამორა“, „ყვარელი ედემი“, რომელიც უკვე ყველა სქემაშია გახვეული, „მეგაპალასი“, „მეჯუდა“, „თეთრი ხიდი“. ეს არის ის კომპანიები, რომლებმაც ამის შემდგომ „ქართულ ოცნებას“ შესწირეს უზარმაზარი ფული. ფული, რომელიც უნდა წასულიყო იმ პროცენტის დასაფარად, რომელსაც ვერ იხდიან სასტუმროები და ამ კომპანიებს გადაერიცხათ. მათ კი, მაგალითისთვის „ყვარელი ედემმა“ 235 000 ლარი, სევსამორამ – 317 000 ლარი შესწირა უკვე შესწირა „ქართულ ოცნებას“ ანუ გამოდის, რომ ბიუჯეტის ფული მიდის მათთან, ნაწილს იტოვებენ ისინი და შემდგომ ამ ფულს აბრუნებენ „ქართული ოცნების“ საარჩევნო ფონდში. მოლოდინი ნათელია – ქართულმა ოცნებამ არჩევნებზე ხმები მოისყიდოს. ეს არის მხოლოდ ნაწილი. ჩვენ პერიოდულად გამოვაქვეყნებთ ფაქტებს, ანტიკორუფციული კვლევა გრძელდება. აღნიშნული ფაქტები მიუთითებს იმაზე, თუ როგორი კორუმპირებული ადამიანი ჰყავს დღეს საქართველოს ხელისუფლებას,“ – განაცხადა გიორგი ვაშაძემ.
ინფორმაციას “სტრატეგია აღმაშენებლის” პრესსამსახური ავრცელებს
