“ეს იქნება გადამწყვეტი ფაზა, რის მიხედვითაც შეფასდება ამ ქვეყნის ხვალინდელი დღე” – ეკა ბესელია

18

პარტია “სამართლიანობისთვის” თავმჯდომარე, ეკა ბესელიას განცხადებით, ქვეყანაში მართლმსაჯულების კუთხით არსებობს პრობლემები, რასაც დროული რეაგირება სჭირდება. პარლამენტის დეპუტატი ასევე საუბრობს პატიმრების ოჯახის წევრების მხრიდან გამართული აქციების შესახებ:

დღეს დემოკრატიის დღეა, დემოკრატია ქვეყანაში მათლმსაჯულების ხარისხით იზომება, ხალხს აქვს თუ არა სამართლიანი სასამართლო. შემდეგ კი როგორ არჩევნებს ატარებს ხელისუფლება. მთავარი იქნება ფინალური შეფასება, არჩევნები რომელიც უნდა ჩატარდეს, ეს იქნება გადამწყვეტი ფაზა, რის მიხედვითაც შეფასდება ამ ქვეყნის ხვალინდელი დღე.  და ეს იყო იმ მიმართვებში, რომელიც ევროპარლამენტარების მხრიდან უმკაცრესი კრიტიკის სახით გაისმა, სასამართლოსთან დაკავშირებით და სხვა დემოკრატიის კუთხით საზიანო გადაწყვეტილებების თვალსაზრისით იყო ხაზგასმული.

ორი საკითხი, რაც მინდა პარლამენტს შევახსენო, ფასადურად მოსამართლეების არჩევის წესზე, ეს რეალურად გამოყენებულია იმ პარტნიორების საჩვენებელად, რომლებიც ხელისუფლებას აკრიტიკებენ მოსამართლეების არჩევასთან დაკავშრებით. რაც შეეხება მეორე საკითხს, რამდენიმე დღის წინ აქცია გამართეს პატიმრების ოჯახის წევრებმა, მათი წარმომადგენლები ითხოვენ ამნისტიას, შემამსუბუქებელი გადაწყვეტილებების და ჰუმანური აქტის  მიღებას.

მხარს ვუჭერ როდესაც ჰუმანურ აქტზეა საუბარი, კიდევ ერთხელ მინდა მოგიწოდოთ, რომ ამ საკითხსაც მივუბრუნდეთ.

ასევე უმძიმეს მდგომარეობაში არიან და აქციებს აწყობენ ადამიანები, რომლებიც კოვიდის პერიოდში ვერ სარგებლობდნენ შეღავათით, იმ სესხების და დავალიანების გამო, რომელიც საბანკო ინსტიტუტებში ერიცხებათ. ამ ადამიანებს სჭირდებათ კანონით გათალისწინებული შეღვათით სარგებლობა. იმის მიუხედავად, რომ ეს კანონში წერია, ამით ვერ სარგებლობენ მოქალაქეები. არც გადავადება ხდება ვალდებულებების, არც გამოსახლებები ჩერდება და დარიცხული საჯარიმო სანქციების რაოდენობა იკლებს, ამიტომ ამ საკითხს სჭირდება რეაგირება, რადგანაც ძალიან ბევრი ადამიანია ამის გამო უმძიმეს მდგომარეობაში“, – განაცხადა პარლამენტის დამოუკიდებელმა დეპუტატმა ეკა ბესელიამ

კომენტარები