საქართველოს ეკონომიკისა და მდგრადი განვითარების მინისტრმა, ნათია თურნავამ საკოორდინაციო საბჭოს სხდომის შემდეგ გამართულ ბრიფინგზე ქვეყანაში მიმდინარე პროცესები და ეკონომიკური მდგომარეობა მიმოიხილა. მისი თქმით საქართველოს ეკონომიკამ უნდა გააგრძელოს მუშაობა პანდემიასთან ერთად და ის დადებითი ნიშნები, რაც გაჩნდა ეკონომიკაში უნდა გაძლიერდეს:
,,მინდა ვისაუბრო ქართულ ეკონომიკაზე და ჩვენს მიდგომებზე, იმ ფონზე როდესაც ინფიცირებულთა რიცხი გაიზარდა. საქართველოს სახელმწიფო და მთავრობა არის სრულად მომზადებული, არსებულ ვითარებასთან გასამკლავებლად. მაშტაბური საკარანტინო ღონისძიებების და მსხვილი დარგობრივი ბიზნესების დახურვის გარეშე. ყველაფერს ვაკეთებთ იმისათვის, რომ ქართულ ეკონომიკას ხელი არ შეეშალოს.
ჩვენ გადავედით ადაპტირების ეტაპზე, რაც იმას ნიშნავს, რომ ნორმალური ცხოვრების რეჟიმი გაგრძელდეს. კომპანიების შეუფერხებელი მუშაობისა და ბიზნესის აქტიურობასთან ერთად, ასევე საჯარო სტრუქტურებმაც იმუშაონ შეფერხების გარეშე. ადაპტირების პროცესში, ძირითად აქცენტს ვაკეთებთ ვირუსის წერტილოვან გამოვლენასა და ლოკალიზაციაზე. ეს არის ჩვენი სამომავლო მიდგომა, იქამდე სანამ პანდემია იარსებებს.
ის დადებითი ნიშნები, რაც გაჩნდა ეკონომიკაში, უნდა გავაძლიეროთ, მათ შორის უცხოური ინვესტიციების პოზიტიური დინამიკა, ეკონომიკური ტემპის ვარდნის არსებითი შემცირება, ადგილობრივი წარმოების ექსპორტის ზრდა.
ჩვენ უნდა ვიცხოვროთ პანდემიასთან ერთად და ეკონომიკამ უნდა გააგრძელოს მუშაობა პანდემიის მიუხედავად. მთავრობა სრულად მართავს ამ პროცესებს და უზრუნველყოფს ეკონომიკის შეუფერხებელ მუშაობას.
აუცილებლად მინდა ვთქვა, ძალიან დიდი მნიშვნელობა აქვს იმას, თუ რამდენად იცავს თითოეული ბიზნეს სუბიექტი და დასაქმებული ადამიანი, რეგულაციებს. ამ საკითხებთან მიმართებაში ჩვენ ვიქნებით მკაცრები.
საქართველოს არ დაუკარგავს ,,მწვანე ზონის’’ სტატუსი. ევროპული სახელმწიფოები, მათი ლიდერები იმედიანად უყურებენ ჩვენს ქვეყანას, როგორც ,,მწვანე ზონას’’, – განაცხადა ნათია თურნავამ.
ავტორი
ანა ბოგვერაძე
