„ქართული ოცნება – დემოკრატიული საქართველოს“ გუნდის აქტიური წინასააარჩევნო კამპანია გრძელდება. ქუთაისის მერობის კანდიდატი იოსებ ხახალეიშვილი და მაჟორიტარობის კანდიდატი ზაზა ლომინაზე საარჩევნო კამპანიის ფარგლები ბუხაიძის ქუჩის მაცხოვრებლებს შეხვდნენ. გაცნობითი ხასიათის შეხვედრაზე კანდიდატებმა საარჩევნო პროგრამაზე ისაუბრეს და თანაქალაქელების პრობლემები მოისმინეს. როგორც შეხვედრაზე გაჟღერდა – განათლება, კულტურა და ინფრასტრუქტურის სწრაფი მოწესრიგება “ქართული ოცნების” პრიორიტეტული მიმართულებები იქნება.
რა პრობლემებზე აქცენტირდება მოსახლეობა და რას თვლიან ქუთაისელები ქალაქის მთავარ გამოწვევად ამ საკითხზე მმართველი გუნდის მაჟორიტარობის კანდიდატს ვესაუბრეთ:
„ძალიან დატვირთული და საინტერესო შეხვედრები გვაქვს ჩვენს მოსახლეობასთან. როგორც ამ პროცესში გამოიკვეთა ბევრი რამ უკვე გაკეთებულია, თუმცა რაღაც საკითხები კვლავ დღის წესრიგში დგას, რაც მერიასთან, საკრებულოსთან და პარლამენტის ხმასთან ერთად აუცილებლად გადაწყდება. ამ კონკრეტული უბნის პრობლემად კვლავ მდინარე ოღასკურასთან დაკავშირებული საკთხი განიხილება.
ზოგადად, ქუთაისის პრობლემდ კი საკანალიზაციო სისტემის მოწესრიგება მიიჩნევა. ამ ეტაპზე საქართველოს მთავრობა ქუთაისის მერიასთან ერთად, აზიის განვითარების ბანკის მხარდაჭერით იძენს პროექტს, რათა მთელი ქსელის რეაბილიტაცია განხორციელდეს. ასე,რომ სხვა პრობლემების მსგავსად ეს საკითხიც მალე გადაწყდება. მოუგვარებელი პრობლემა არ არსებობს, მთავარი ერთობაა,“ – განაცხადა ზაზა ლომინაძემ.
ლიკა დევდარიანი
სააგენტო “პარალელის”
რეგიონალური კორესპონდენტი
