საქართველოს “პატრიოტთა ალიანსის” ლიდერი, პარლამენტის ვიცე სპიკერი, ირმა ინაშვილი ტელეკომპანია “რუსთავი 2”-ის ეთერში, “ღამის კურიერში”, რუსეთისგან დაფინანსების თაობაზე არაერთხელ გაჟღერებულ ბრალდებას გამოეხმაურა და დაიფიცა, რომ მას, “პატრიოტთა ალიანსს” და დავით თარხან-მოურავს, რუსეთისგან ფული არასდროს აუღიათ:
“თქვენს ეთერში საჯაროდ ვამბობ – მე, ირმა ინაშვილი, საქართველოს პარლამენტის წევრი და საქართველოს მოქალაქე ღვთის, ერისა და ტელემაყურებლის წინაშე ვფიცავ, რომ არასდროს ამიღია რუსული ფული.
ყოველი ჩემი მოქმედება განმსჭვალულია საქართველოს სიყვარულით, თავგანწირვით საქართველოსადმი, ჩვენი სახელმწიფოებრივი ინტერესების დაცვით. ღვთისა და ერის წინაშე ვფიცავ, რომ მე ამას ვაკეთებ თბილისშიც, მოსკოვშიც, სოხუმშიც, ცხინვალშიც, ბრიუსელშიც, ვაშინგტონშიც და ყველგან, სადაც ხელი მიმიწვდება,”- განაცხადა ირმა ინაშვილმა.
ავტორი
მახო ზავრაშვილი
