ირაკლი კობახიძე: პროტოკოლის მიხედვით არჩილ თალაკვაძე იმყოფება თვითიზოლაციაში

41

„ქართული ოცნების“ აღმასრულებელი მდივანი ირაკლი კობახიძე აცხადებს, რომ პარტიის ოფისში კორონავირუსთან დაკავშირებული პროტოკოლის მიხედვით, უსაფრთხოების ყველა ზომა მიღებულია, ყველა თანამშრომელს მათ შორის კობახიძესაც ჩაუტარდათ ტესტირება და პასუხი უარყოფითია, რაც შეეხება პარლამენტის თავმჯდომარეს არჩილ თალაკვაძეს იმყოფება თვითიზოლაციაში, რათა მის გარშემო მყოფ პირთა უსაფრთხოება დაცული იყოს:

როგორც მოგეხსენებათ პარტიის ერთ-ერთ თანამშრომელს დაუდასტურდა კორონავირუსი, შესაბამისად პროტოკოლით გათვალისწინებული უსაფრთხოების ყველა ზომა მიღებულია, ოფისში ჩატარდა დეზინფექცია და შტაბის მუშაობა განსაკუთრებულ რეჟიმზე არის გადასული. უახლოეს მომავალში დავუბრუნდებით მუშაობის სტანდარტულ რეჟიმს და ეს რა თქმა უნდა არ შეაფერხებს პარტიის საარჩევნო კამპანიის წარმოებას და კამპანია აქტიურ რეჟიმში გაგრძელდება.

ტესტირება გუშინწინ მეც ჩავიტარე შტაბის სხვა წარმომადგენლებმაც და საბედნიეროდ პასუხი უარყოფითი მოვიდა და ვგეგმავთ, რომ როგორც პროტოკოლით არის გათვალისწინებული 3 დღეში ერთხელ ჩავიტაროთ ტესტირება.

არჩილ თალაკვაძე პროტოკოლის მიხედვით იმყოფება თვითიზოლაციაში, იმისათვის, რომ მის გარშემო მყოფ პირთა უსაფრთხოება მაქსიმალურად იყო დაცული.

ერთი არის ჩვენი ოფისის თანამშრომელი და მასთან კავშირში მყოფი ორი პირი, ვისაც დაუდასტურდა კორონავირუსი, დანარჩენი ორი არ არის ოფისის თანამშრომელი,“ – აცხადებს ირაკლი კობახიძე.

ავტორი
თამთა ასლანიშვილი

კომენტარები