“პატრიოტთა ალიანსის” არაკონსტიტუციურ ძალად გამოცხადების სამართლებრივი პროცედურის დაწყების მოითხოვნით, “ლელო საქართველოსთვის” პარტიის ლიდერების მიმართვას საქართველოს პრეზიდენტისა და ხელისუფლებისადმი, ეხმიანება პარლამენტის ვიცე-სპიკერი, “პატრიოტთა ალიანსის” გენერალური მდივანი:
“მევახშეების პარტია, ნულოვანი რეიტინგით, არჩევნებიდან პატრიოტების მოხსნას ითხოვს. ადეიშვილ-მერაბიშვილის ინსტრუმენტი ბანკის და მევახშე ბანკირების პარტია!😊 ასე ცდილობენ დამკვიდრებას პოლიტიკაში, ყოჩაღ… ასე გააგრძელეთ,” – წერს ფეისბუქის პირად გვერდზე ირმა ინაშვილი.
შეგახსენებთ, რომ რამდენიმე დღის წინ აჭარის ავტონომიურ რესპუბლიკაში საჯარო სივრცეში გაჩნდა ბანერი სლოგანით – „დაიცავი აჭარა, დაიცავი შენი წილი საქართველო“, რომელზეც აჭარა აღნიშნული იყო წითელ ფერში, ისევე როგორც აფხაზეთი და სამაჩაბლო. აღნიშნული ბანერის განთავსება პოლიტიკური პარტიების წარმომადგენლებმა და აქტივისტებმა მწვავედ დაგმეს და ჩამოხიეს.