სადაც კი ვყოფილვარ, ყველგან მრავლად შემიმჩნევია ისეთი რამ, რაც გულს მიხარებდა და ასეთი განწყობა აქვთ მათაც, ვინც აღფრთოვანებულა ულამაზესი ადგილების, მცენარეებისა თუ ყვავილების ნახვით, ვისაც თვალი ვერ მოუწყვეტია სუფთა პლაჟების, წყალსაცავების, ტბებისა და ზღვებისათვის, როცა ემოციებს ვერ იკავებენ ჩვენი პლანეტის საოცარი ფლორისა და ფაუნის ხილვის შემდეგ… დიახ, თვალი და გული ხარობს, როცა ვუყურებთ საოცარი ბუნების ზღაპრულ სილამაზეს, მაგრამ ასევე გული გვიკვდება, როცა ვხედათ და ვიგებთ ბრაკონიერობის ფაქტებს, როცა ასე უკონტროლოდ და უმოწყალოდ იჩეხება ხე-ტყე, როცა ბინძურდება წყლის რესურსები, როცა დღევანდელი დღის სიამოვნებისთვის, დაუფიქრებლად გაიწირება მომავალი…
ამ პუბლიკაციაში მინდა შემოგთავაზოთ ფოტო-რეპორტაჟი იმ საოცარი ადგილებიდან, სადაც პირადად ვყოფილვარ, რომლის სილამაზე ისევ თვალწინ მიდგას და არც გულიდან ამოდის იქ მიღებული აღფრთოვანება.
დიახ, ენით აღუწერელი და ზღაპრული სილამაზის ბუნებაა საქართველოში
მჟავე წყლები
ჟინვალის წყალსაცავი
გერგეთის სამება
შატილი, საოცარი კანიონი
წალკა, ს. რეხა
აჭარა, ჩიქუნეთი
კახეთი, წინანდალი
შემოდგომის საოცარი პეიზაჟი
იმერეთი
ბათუმი, ზღვისპირა პარკი
მწვანე კონცხი
სარფი
შავი ზღვის სანაპირო აჭარაში
ესეც ჩვენი მადლიანი მიწის დესერტი… 😉
ეს ყოველივე ჩვენს სამშობლოში, დალოცვილ საქართველოშია და თითოეული ჩვენთაგანი არაერთხელ დამტკბარა ამ საოცარი სილამაზის ხილვით…
მართალია, ჩემი ყველას მირჩევნია, თუმცაღა არის შესანიშნავი ადგილები მსოფლიოს სხვადასხვა კუთხეშიც და გთავაზობთ ფოტოკოლაჟს იმ ქვეყნებიდან, სადაც ამ ბოლო ხანებში ვყოფილვარ:
ფინეთში
ესპანეთში (მადრიდი)
პორტუგალიაში (ლისაბონი)
უკრაინაში (კიევი)
მდინარე დნეპრის სანაპირო
განა დანაშაული არაა, რომ არ მოვუფრთხილდეთ ასეთ საოცარ სილამაზეს?!
ეს შეკითხვა (უფრო გაკვირვება), ზოგის მხრიდან, რიტორიკულადაც შეიძლება იქნას აღქმული, თუმცა ჩემთვის და, ვფიქრობ, ბევრი სხვისთვის იგი ნამდვილად დამაფიქრებელია…
