ცნობილი გახდა, რომ პირველი ოქტომბრიდან ბაღებში აღსაზრდელების მიღება დაიწყება, ამასტან დაკავშირებით კი უახლოეს დღეებში შემუშავებული იქნება შესაბამისი რეკომენდაციები, განაცხადა ჯანდაცვის სამინისტროს წარმომადგენელმა:
“ჩვენი მიზანია ბიზნესის მხარდაჭერა, მათი მდგრადი გახსნა. გვესმის ის პრობლემები და ის გამოწვევები, რომლებიც აქამდე ჯერ კიდევ მოუგვარებელი იყო, თუმცა შეიძლება ითქვას, რომ ბაღები და კინოთეატრები სკოლებთან ერთად გაიხსნება და რა თქმა უნდა, ეს გახსნა ცალსახად მდგრადი უნდა იყოს,” – აღნიშნა საქართველოს ბიზნესომბუდსმენმა, მიხეილ დაუშვილმა.
იმისათვის, რომ სააღმზრდელო დაწესებულებებმა ოპერირება განაახლონ, უნდა დარეგისტრირდნენ ჯანდაცვის სამინისტროს ვებგვერდზე და შემოწმება მოითხოვონ.
“პირველი ოქტომბრიდან ბაღები ოპერირებას განაახლებენ, ამისათვის კი ისინი უნდა დარეგისტრირდნენ ჯანდაცვის სამინისტროს ოფიციალურ ვებ-გვერდზე და ინსპექტირება მოითხოვონ.
ჩვენი მხრიდან, სხვადასხვა საზედამხედველო უწყების ჩართულობით მათ შემოწმებას მოვახდენთ. რეკომენდაციები ამ კვირაში იქნება გამოქვეყნებული,” – აცხადებს ჯანდაცვის სამინისტროს შრომის პირობების ინსპექტირების დეპარტამენტის უფროსი, ბექა ფერაძე.
ავტორი
თამუნა მახარაშვილი
