იუსტიციის მინისტრმა, თეა წულუკიანმა, იმერეთის ადგილობრივ ხელისუფლებასთან ერთად, ქვეყნის მასშტაბით 82-ე საზოგადოებრივი ცენტრი ბაღდათში გახსნა. მინისტრის განცხადებით, იუსტიციის სახლის გახსნა მნიშვნელოვანი და აუცილებელია ადგილობრივებისათვის:
“საზოგადოებრივი ცენტრის არსებობა, მნიშვნელოვანია,როგორ მოზრდილებისთვის ,ასევე ბავშვებისთვის, რადგან მათ შეუძლიათ გამოიყენონ, უფასო ინტერნეტი, ელექტრონული ბიბლიოთეკა, საჭიროების შემთხვევაში, ადგილზე შეეძლებათ საშინაო დავალებების მომზადება. მოზარდებს შეუძლიათ დასვენების დღეები საინტერესოდ გაატარონ. აქ არის შეხვედრების დარბაზიც, რომლითაც უფასოდ სარგებლობა შეეძლებათ ადგილობრივებს. რამდენიმე კვირაში მსგავს ცენტრებს ასპინძასა და დედოფლისწყაროშიც გავხსნით”, – განაცხადა თეა წულუკიანმა.
ცნობისათვის, ბაღდათის საზოგადოებრივ ცენტრში მოსახლეობა 200-ზე მეტ სერვისს მიიღებს.
ლიკა დევდარიანი
სააგენტო “პარალელის”
რეგიონალური კორესპონდენტი
