დღეს, სხვადასხვა ოპოზიციური პარტიები, კიდევ ერთხელ შეიკრიბნენ, არჩევნების შედეგების დასაცავად სპეციალური მემორანდუმის გასაფორმებლად. შეკრებაზე იმყოფებოდა „სტრატეგია აღმაშენებლის“ თავჯდომარე გიორგი ვაშაძე. ოპოზიციონერმა ლიდერმა ყურადღება გაამახვილა ოპოზიციის თანამშრომლობის მნიშვნელობაზე და ასევე შეთავაზება გააკეთა იმ პროგრამული უზრუნველყოფისა, რომელიც 2018 წელს, საპრეზიდენტო არჩევნების დროს, გაყალბების წინააღმდეგ შემუშავდა:
“ამოცანა ნომერი ერთი არის – მშვიდობიანად, არჩევნებით შეიცვალოს ხელისუფლება. ოპოზიციის თანამშრომლობას აქვს გადამწყვეტი მნიშვნელობა, რომ არ გავაყალბებინოთ არჩევნები “ქართულ ოცნებას”.
ისევე, როგორც ჩვენ ვაიძულეთ მათ და 8 მარტის შეთანხმებას ხელი მოაწერეს ოპოზიციის კონსოლიდირებული პოზიციით, სწორედ ასეთივე ტიპის თანამშრომლობითი მექანიზმი ჩამოვაყალიბოთ არჩევნების გაყალბების კუთხით.
როგორ? – მე ამის ბევრი ტექნოლოგიური გადაწყვეტაც მაქვს. მე შევთავაზებ, მაგალითად, პროგრამულ უზრუნველყოფას, რომელიც ჩვენ დავტესტეთ კიდეც 2018-ში,” – აღნიშნა “სტრატეგია აღმაშენებლის” თავმჯდომარემ გიორგი ვაშაძემ.
ავტორი
თამუნა მახარაშვილი
