ბოლო 24 საათში საქართველოში კორონავირუსით ინფიცირების 10 ახალი შემთხვევა დადასტურდა და დადასტურებული შემთხვევების საერთო რაოდენობამ 1351-ს მიაღწია. ინფექციური საავადმყოფოს დირექტორის, მარინა ეზუგბაიას განცხადებით 1 ინფიცირებული სამედიცინო პერსონალია, 2 ინფიცირების წყაროს დასადგენად კი მოკვლევა გრძელდება.
„დაგვემატა 10 ახალი დადასტურებული შემთხვევა და არის შემდეგი განაწილება:
10 დადასტურებული შემთხვევიდან 1 პაციენტის წყარო ლენჯერია, 1 პაციენტის წყარო ქობულეთი, ბარი „ჰავანა”. ერთი პაციენტის წყარო დადასტურებულ შემთხვევასთან კონტაქტია. 4 შემოტანილი შემთხვევაა, აქედან ერთი სატვირთო ავტომანქანის მძღოლია, ერთი ინფიცირებული სამედიცინო პერსონალია, 2 ინფიცირებულის წყაროს დასადგენად მიმდინარეობს კონტაქტების მოძიება“, – განაცხადა მარინა ეზუგბაიამ.
ამასთან, მარინა ეზუგბაიას ინფორმაციით, კოვიდცენტრებში სულ 256 კორონავირუსით ინფიცირებული მკურნალობს. აქედან, 6 კვლავ კრიტიკულ მდგომარეობაშია.
რაც შეეხება ინფექციურ საავადმყოფოს, მარინა ეზუგბაიას განცხადებით, ინფექციურ ჰოსპიტალში კორონავირუსით ინფიცირებული 34 პაციენტი მკურნალობს, მათგან 3 პაციენტის მდგომარეობა მძიმეა.
ავტორი
მახო ზავრაშვილი