ქუთაისის საერთაშორისო უნივერსიტეტის მშენებლობის პირველი ფაზა დასრულდა. ქვეყნის პრემიერ-მინისტრმა გიორგი გახარიამ ჯანდაცვის და განათლების მინისტრებთან ერთად ქუთაისში საერთაშორისო უნივერსიტეტი დაათვალიერა. წელს ქუთაისის უნივერსიტეტი სტუდენტებს მათემატიკის, მენეჯმენტის და კომპიუტერული მეცნიერების საბაკალავრო პროგრამებზე მიიღებს. უნივერსიტეტის ადმინისტრაციაში აცხადებენ, რომ ამ ეტაპზე 1000-მდე სტუდენტის მომსახურების შესაძლებლობა აქვთ.
პრემიერ-მინისტრმა პროექტს შთამბეჭდავი უწოდა და მის მნიშვნელობაზე ისაუბრა:
“ეს არის კარგი მაგალითი ნულიდან დაიწყო ყველაფერი. აქ იყო ჭაობა და ეს, რასაც ახლა ვხედავთ, უაღრესად შთამბეჭდავია. დღეის მდგომარეობით ეს არის ყველაზე მნიშვნელოვანი და აუცილებელი პროექტი.
კარგად ვიცით, ჩვენ გვყავს ძალიან ნიჭიერი ახალგზარდები, თუმცა დღევანდელ რეალობაში მხოლოდ ნიჭი არ არის საკმარისი, ჩვენ გვჭირდება თანამედროვე ტექნოლოგიები და ინფრასტრუქტურა. ეს არის აუცილებელი პირობა იმისთვის, რომ ხვალინდელ გლობალურ გამოწვევას გაუძლონ ჩვენმა ახალგაზრდებმა“, – განაცხადა გიორგი გახარიამ.
ცნობისთვის, ქუთაისის საერთაშორისო უნივერსიტეტი მთლიანად კერძო ინვესტიციაა და ამ პროექტისთვის ქართუ ბანკმა მილიარდი ევრო გამოყო.
ლიკა დევდარიანი
სააგენტო “პარალელის”
რეგიონალური კორესპონდენტი