“სტრატეგია აღმაშენებლის” გენერალური მდივანი ქუთაისში დიდგორობის დღესასწაულთან დაკავშირებით გამართულ ღონისძიებაზე აღნიშნავს, რომ “სტრატეგია აღმაშენებელი” არის იდეა და რწმენა, რომ შესაძლებელია ერთიანი ძლიერი საქართველოს აშენება. პაატა მანჯგალაძე ილიას სიტყვებს იშველიებს “ზოგი საგანი თუ არ დაინახე, ვერ ირწმუნებ, ზოგი კი თუ არ ირწმუნე ვერ დაინახავ” და აცხადებს, რომ დავით აღმაშენებელმა ქვეყნის აღმშენებლობის იდეა იტვირთა და გამოუვიდა, ასევე გამოუვა “სტრატეგია აღმაშენებლის” გუნდსაც:
“მოგესალმებით, დღეს დიდგორობაა, ძალიან დიდი გამარჯვების დღე ჩვენს ისტორიაში, რომელმაც საუკუნეებით განსაზღვრა ჩვენი ერის და ქვეყნის მომავალი და დღეს, როცა დიდგორობაზე ვსაუბრობთ, უნდა გვახსოვდეს, არ არსებობს აღმაშენებელი დიდგორის გარეშე და დიდგორი აღმაშენებლის გარეშე.
სწორედ, დღეს ამის რწმენაა იდეა “სტრატეგია აღმაშენებელი” ჩვენ ყველას შეგვიძლია ავაშენოთ ერთიანი ძლიერი საქართველო.
შემთხვევით არ ვახსენე რწმენა. როგორც, დიდი ილია ამბობდა “ზოგი საგანი თუ არ დაინახე, ვერ ირწმუნებ, ზოგი კი თუ არ ირწმუნე ვერ დაინახავ” – სწორედ ეს დაინახა საუკუნეების წინ ერთმა ქუთაისელმა ბიჭმა, 16 წლისამ იტვირთა ქვეყნის აღმშენებლობის იდეა. ბევრს არ სჯეროდა, ბევრი ებრძოდა, შინაური თუ გარე მტერი, არ დაუყრია ფარხმალი, არ დანებდა და გაიმარჯვა!
– ეს გამოუვიდა მას! ეს გამოგვივა ჩვენ!” – განაცხადა პაატა მანჯგალაძემ.