პარტია „ევროპული საქართველოს“ ერთ-ერთი ლიდერი, დავით ბაქრაძე „ქართულ ოცნებას“ აკრიტიკებს და ამბობს, რომ ეს პოლიტიკური ძალა, ნაცვლად რეალური პრობლემების მოგვარებისა, საზოგადოებაზე მხოლოდ წარსულის შეცდომებით სპეკულირებს:
„ეს არის ის პოლიტიკური ძალა, რომელიც ადამიანებს წარსულით აშინებს, რათა მათ უკეთესი მომავალი არ მოითხოვონ.
ეს არის ძალა, რომელიც წარსულს იმისთვის აზიანებს, რომ ამით მომავალი დაგვინგრიოს, ამიტომ, ერთხელ და სამუდამოდ, ოქტომბრის არჩევნებზე უარი უნდა ვუთხრათ იმ პოლიტიკურ ძალას, რომელსაც არ შეუძლია შემოგვთავაზოს წინსვლა, პრობლემების მოგვარება და იმ თემების გადაწყვეტა, რომლებიც ხალხს დღეს აწუხებს. ესენია: კრიმინალი, უმუშევრობა, სიღარიბე, გაძვირებული ცხოვრება, ამ ყველაფრის ნაცვლად კიდევ ერთხელ გვესმის მუდმივი ბრძოლა წარსულთან და წარსულის გამოყენება, რომ ადამიანებმა მომავალში უკეთესი ცხოვრება არ მოითხოვონ,“ – აცხადებს დავით ბაქრაძე.
ავტორი
ეკა ქაჩლიშვილი
