ქუთაისის ინფექციურ კლინიკაში “კორონავირუსის” ახალი შემთხვევა დაფიქსირდა. 75 წლის პაციენტი მესტიიდანაა. ასაკოვან ქალბატონს ვირუსისთვის დამახასიათებელი სიმპტომები აღენიშნებოდა, რის გამოც ქუთაისის ერთ-ერთ ცხელების ცენტრში მოათავსეს. ლაბორატორიული კვლევის შედეგად მას “კოვიდ-19” დაუდასტურდა.
კლინიკის მთავარი ექიმის თქმით, პაციენტის მდგომარეობა საშუალო სიმძიმისაა.
“პაციენტის მდგომარეობა საშუალო სიმძიმისა, მას პნევმონია აღენიშნება, ასევე თანმხლები დაავადებები,” – განაცხადა თემურ ნადირაძემ.
ამ დროისთვის, კლინიკის ბოქსირებულ განყოფილებაში “კორონავირუსის” დიაგნოზით, სულ ორი პაციენტი მკურნალობს.
ცნობისთვის, ქუთაისის ინფექციურმა კლინიკამ ჯამში 52 პაციენტი გამოაჯანმრთელა.
ლიკა დევდარიანი
სააგენტო “პარალელის”
რეგიონალური კორესპონდენტი
