ორშაბათი, აპრილი 28, 2025
9.8 C
Tbilisi
spot_img
მთავარიპოზიცია და შეფასებებიშორს ვარ იმ აზრისგან, რომ გიორგი ვაშაძე ბნელ...

შორს ვარ იმ აზრისგან, რომ გიორგი ვაშაძე ბნელ ძალად შევაფასო, მის არჩევანს ყველამ პატივი უნდა სცეს – გია ხუხაშვილი

პოლიტოლოგმა გია ხუხაშვილმა, სააგენტო ,,პარალელთან“ ექსკლუზიურ ინტერვიუში გიორგი ვაშაძის მისამართით გაჟღერებული ნეგატიური პოზიციები შეაფასა და აღნიშნა, რომ დამოუკიდებელ საარჩევნო კამპანიაში ჩართვა გიორგი ვაშაძის გადაწყვეტილებაა, რომელსაც ყველამ პატივი უნდა სცეს. მისივე თქმით, ის შორს არის მიხეილ სააკაშვილის მიერ გაკეთებული განცხადებისგან, რომ ,,სტრატეგია აღმაშენებლის“ ლიდერმა ბნელ ძალაში გადაინაცვლა და დაამატა, რომ ,,ქართული ოცნების“ და ,,ნაციონალური მოძრაობის“ ლაიტმოტივი, არის აგრესია მათ მიმართ, ვინც მათ რიგებში არ დგას:

,,რიტორიკა, როგორც ბრძოლა ნათელსა და ბნელს შორის და თან ვინც ლაპარაკობს საკუთარ თავს ყოველთვის ნათელ ძალად წარმოადგენს და ვინც არ მოსწონს იმას ბნელ ძალად, სამწუხარო ცნობილი მანკიერი ფაქტია, რომელიც ლაიტმოტივად გასდევს საქართველოს ისტორიას. შორს ვარ იმ აზრისგან, რომ გიორგი ვაშაძე ბნელ ძალად შევაფასო, ეს მისი არჩევანია და ყველამ პატივი უნდა სცეს იყოს იქ, სადაც მას სურვილი აქვს, დანარჩენს უკვე პროცესი აჩვენებს.

,,ნაციონალურ მოძრაობას“ არ აქვს ზრდის პოტენციალი და ეს უნდა იქნას გათვალისწინებული ყოველთვის. მიხეილ სააკაშვილი და ბიძინა ივანიშვილი მარტივი პრინციპით მოქმედებენ: ,,ვინც ჩემთან არ არის ის ჩემი მტერია“, ვინც მათ ორბიტაზე არ არის და დამოუკიდებელ პოლიტიკურ ცხოვრებას ეწევა, ორივე მათგანი საქართველოს მტრად აცხადებს. ისინი ძალიან გვანან ამით ერთმანეთს.

მიხეილ სააკაშვილის ამოცანა არ არის, რომ ხელისუფლება შეიცვალოს, მისი ამოცანაა, რომ თვითონ მოვიდნენ ხელისუფლებაში და თვითონ ჰქონდეთ აბსოლუტური ძალაუფლება, წაართვან ,,ქართულ ოცნებას“ მმართველობა და თვითონ გადმოიბარონ. ეს არ არის სახელმწიფოებრივი ამოცანა, სახელმწიფოებრივი ამოცანაა, რომ მულტიპარტიული დემოკრატია დამკვიდრდეს და არა ის, რომ ერთი ავტორიტარი მეორე ავტორიტარით შეიცვალოს, თუმცა მათ სხვანაირად ვერ წარმოუდგენიათ, მათ მმართველობა შეუძლიათ მხოლოდ აბსოლუტური ძალაუფლების პირობებში და თუ ვინმე მათი ორბიტიდან გადის მათი ფილოსოფიით ის ავტომატურად მოწინააღმდეგეთა ბანაკში გადადის, რაც არის მანკიერი აზროვნების შედეგი,” – განაცხადა გია ხუხაშვილმა.

ავტორი
ქეთა გაბრიაძე

კომენტარები - დატოვეთ თქვენი მოსაზრება
spot_img

მსგავსი სტატიები

გიორგი ვაშაძე: “ვიცი, რომ სიმართლის მხარეს ვდგავარ”

"სტრატეგია აღმაშენებლის" ლიდერი, გიორგი ვაშაძე განცხადებას ავრცელებს მის სასამართლო...

“ივანიშვილმა საფრთხე დაინახა პატაა ბურჭულაძეში…” – რომან გოცირიძე

პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი...

spot_img

"პარალელის" გამოკითხვა

დღის პოპულარული

“მოემზადეთ, წინ პროკურატურის გრძელი დერეფნებია…” – ლალი მოროშკინა

რამდენიმე საკითხთან დაკავშირებით კონკრეტულ პოზიციას აფიქსირებს და თავის მოსაზრებას...

ირაკლი ღარიბაშვილის “წასვლა” პოლიტიკიდან დაახლოებით იგივე ამბავია ბიძინა რომ “მიდიოდა” – დავით ზურაბიშვილი

პოლიტიკის ექსპერტის, დავით ზურაბიშვილის პოზიცია-შეფასება ირაკლი ღარიბაშვილის პოლიტიკიდან წასვლასთან...