შაბათი, მარტი 15, 2025
15.8 C
Tbilisi
spot_img
მთავარიარჩევნებიცესკო-ში არჩევნების საერთაშორისო დღეს აღინიშნა

ცესკო-ში არჩევნების საერთაშორისო დღეს აღინიშნა

არჩევნების საერთაშორისო დღესთან დაკავშირებით, ცენტრალურმა საარჩევნო კომისიამ ივანე ჯავახიშვილის სახელობის თბილისის სახელმწიფო უნივერსიტეტსა და ილიას სახელმწიფო უნივერსიტეტში დანერგილი სწავლების ცენტრის საავტორო პროგრამის ბენეფიციარ სტუდენტებს უმასპინძლა. ახალგაზრდებს ცესკოს თავმჯდომარე შეხვდა და არჩევნების მნიშვნელობაზე ესაუბრა.

თამარ ჟვანიამ სტუდენტებთან საუბრისას ყურადღება გაამახვილა პირველ დემოკრატიულ არჩევნებზე საქართველოში, რომელიც ერთი საუკუნის წინ ჩატარდა. 1919 წლის დამფუძნებელი კრების არჩევნები საქართველოს ისტორიაში პირველი მრავალპარტიული, დემოკრატიული არჩევნები იყო. ცესკოს თავმჯდომარემ საარჩევნო პროცესებში ახალგაზრდების როლსა და ჩართულობაზეც ისაუბრა.

„ეს სიმბოლური დამთხვევა, რომ ამ წლის თებერვალში ჩვენ აღვნიშნავთ ქართული არჩევნების ერთსაუკუნოვან ისტორიას, კიდევ უფრო მეტ მნიშვნელობას სძენს ჩვენთვის დღევანდელ ღონისძიებას. შემთხვევითი არ არის, რომ ცენტრალური საარჩევნო კომისია სწორედ ახალგაზრდებთან ერთად აღნიშნავს არჩევნების საერთაშორისო დღეს. ახალგაზრდების აქტიური მონაწილეობა საარჩევნო პროცესებში ჩვენი ადმინისტრაციისთვის ერთ-ერთ წამყვან მიზანს წარმოადგენს,” – აღნიშნა თამარ ჟვანიამ სტუდენტებთან საუბრისას.

ახალგაზრდები გაეცნენ ცესკოს გამოფენას, რომელიც არჩევნების ისტორიას ასახავს და მიიღეს ინფორმაცია მნიშვნელოვანი საარჩევნო პროცესების შესახებ. მათ ასევე დაათვალიერეს ცესკოს ბიბლიოთეკა, სადაც გაეცნენ საარჩევნო დოკუმენტებსა და საარჩევნო ადმინისტრაციის მიერ სხვადასხვა დროს მიღებულ ჯილდოებს.

არჩევნების საერთაშორისო დღე 2005 წლიდან ყოველ წელიწადს, თებერვლის პირველ ხუთშაბათს აღინიშნება. მისი ინიცირება მოხდა ევროპის საარჩევნო მოხელეთა ასოციაციის (ACEEEO) მიერ 2005 წლის სექტემბერში გამართულ გლობალურ კონფერენციაზე, სადაც კონფერენციის მონაწილეებმა – არჩევნების სფეროში მომუშავე ექსპერტებმა და საარჩევნო მოხელეებმა წამოაყენეს ინიციატივა დაეწესებინათ ყოველწლიური თარიღი, რომელიც მიეძღვნებოდა არჩევნებს. ამ თარიღის აღნიშვნა ხელს უწყობს საზოგადოების მიერ ყურადღების გამახვილებას იმ უმნიშვნელოვანეს პროცესებზე, რომელსაც თითოეული ქვეყნის მმართველობაში დემოკრატიული არჩევნების ჩატარებით ეყრება საფუძველი.

კომენტარები - დატოვეთ თქვენი მოსაზრება
spot_img

მსგავსი სტატიები

კახა კალაძე ოპოზიციაზე: “ისინი დარწმუნებულები არიან, რომ თვითმმართველობის არჩევნებში განწირულნი არიან მარცხისთვის”

თბილისის მერის განცხადებით, ოპოზიცია დარწმუნებულია, რომ თვითმმართველობის არჩევნებში არანაირი...

“ისინი განწირულნი არიან მარცხისთვის” – კახა კალაძე ოპოზიციის შანსებზე თვითმმართველობის არჩევნებში

თბილისის მერი კახა კალაძე მიიჩნევს, რომ ადგილობრივი თვითმმართველობის არჩევნებში...

“მარტო მე მეჩვენება რომ ამ ქალს დრო გაჰყავს?” – ელისო კილაძე სალომე ზურაბიშვილზე

საქართველოს მე-5 პრეზიდენტის, სალომე ზურაბიშვილის მიერ არჩევნების საკოორდინაციო შტაბის...

spot_img

"პარალელის" გამოკითხვა

დღის პოპულარული

“მადლობა ყველას, ახლა მხოლოდ ერთობა და სოლიდარობა გადაგვარჩენს!❤️” – თემურ ჯანაშია

სახელმწიფო დაცვის სპეციალური სამსახურის ყოფილი უფროსი, პარლამენტის ყოფილი დეპუტატი...

“ბიძინა ვადამდელ არჩევნებს მხოლოდ იმ შემთხვევაში დანიშნავს, თუ…” – არჩილ გამზარდია

ანალიტიკოსი, ჟურნალისტი არჩილ გამზარდია თავის მოსაზრებებს გამოთქვამს საქართველოში ახალი...

“თურმე 2 კვირაა ივანიშვილი გდევნის, გითვალთვალებს და გარბიხარ ქვეყნიდან და მაინც “ნაციონალურ მოძრაობაზე” საუბრობ...

,,ერთიანობა - ნაციონალური მოძრაობის” პოლიტიკური საბჭოს თავმჯდომარე, ლევან ხაბეიშვილი...

“მიხეილ სააკაშვილს 12 წელი აბრალებდნენ ყველაფერს, მაგრამ ბოლოს რა დარჩათ? პიჯაკი და პროტოკოლური ყვავილების...

მიხეილ სააკაშვილისთვის განაჩენის გამოტანას ეხმაურება "სტრატეგია აღმაშენებლის" ლიდერი, გიორგი...