ყოფილმა პრემიერ-მინისტრმა ვანო მერაბიშვილმა 2020 წლის არჩევნების მნიშვნელობაზე ისაუბრა და აღნიშნა, რომ ოპოზიციის მიზანი არა პირადი ინტერესები, არამედ ქვეყნის მომავალია. იგი პირობას დებს, რომ არ აპირებს ,,ნაციონალური მოძრაობის“ გამარჯვების შემთხვევაში პარლამენტის ან რომელიმე თანამდებობის ადგილიდან მოსალმებას და მხოლოდ ბიძინა ივანიშვილის კამპანიის წინააღმდეგ ბრძოლით შემოიფარგლება:
,,ახლოვდება ჩვენი ქვეყნისთვის უმნიშვნელოვანესი არჩევნები. ამ არჩევნებში გადამწყვეტი იქნება არა ის, რას იზამს ,,ქართული ოცნება” – რადგანაც ის უკვე გუშინდელი დღეა. გადამწყვეტი იქნება ის, თუ რამდენად შევძლებთ ჩვენ, საერთო ეროვნული მიზანი დავაყენოთ საკუთარ კარიერაზე, პირად ამბიციებზე მაღლა, ვიბრძოლოთ არა საკუთარი თავისთვის, არამედ ქვეყნის მომავლისთვის.
დღეს სამწუხაროდ, ოპოზიციიდან უფრო ხშირად ისმის პოლიტიკური ვაჭრობა, მანდატებისა და სკამების გადანაწილებაზე საუბარი, ვიდრე საზოგადოებისთვის ალტერნატივის შეთავაზება.
განახლებული ,,ნაციონალური მოძრაობა” არის ერთადერთი ძალა, რომელსაც შესწევს უნარი, გადამწყვეტი როლი შეასრულოს ამ ბრძოლაში, დაასრულოს არჩევნები გამარჯვებით და ხალხს დაუბრუნოს მომავალი.
ეს ჩემი მიმართვა რომ არ დარჩეს მხოლოდ ზოგად მოწოდებად, მე გადავწყვიტე გაცნობოთ, რომ არ ვიქნები პარლამენტის წევრი და ასევე, არ დავიკავებ რომელიმე თანამდებობას მომავალ მთავრობაში. მე ვიქნები ჩართული ივანიშვილის რეჟიმის წინააღმდეგ ბრძოლაში, ოღონდ ეს იქნება ბრძოლა არა პირადი სარგებლისთვის, არამედ ბრძოლა ჩემი ხალხის მომავლისთვის.
სიყვარულით,
ვანო მერაბიშვილი“ – წერს სოციალურ ქსელ ,,ფეისბუქის“ პირად გვერდზე ვანო მერაბიშვილი.
ავტორი
ქეთა გაბრიაძე
