“ჩვენ მზად ვართ მომავალზე პასუხისმგებლობის ასაღებად” – არჩილ თალაკვაძე

პარლამენტის თავმჯდომარე მოსახლეობას არჩევნების მშვიდ გარემოში ჩატარებას პირდება და ვარაუდობს, რომ წინასაარჩევნო კამპანია პოზიტიურად ჩაივლის. აქვე არჩილ თალაკვაძე აცხადებს, რომ მმართველი პარტიისთვის უპირობოდ მისაღები იქნება ის არჩევანი, რასაც ჩვენი საზოგადოება გააკეთებს:

“ჩვენ, როგორც ხელისუფლება, მაქსიმალურად უზრუნველვყოფთ უსაფრთხო გარემოს ქვეყანაში და მე იმედი მაქვს, რომ წინასაარჩევნო კამპანია პოზიტიურად ჩაივლის. იქნება მშვიდი, იქნება შედეგზე ორიენტირებული და პოლიტიკური პარტიები და ლიდერები შევძლებთ, რომ საზოგადოება ჩვენი პროგრამები, ჩვენი ხედვა გავუზიაროთ. რასაკვირველია, ჩვენი პოლიტიკური პარტია “ქართული ოცნება” ენდობა საზოგადოებას და ენდობა მხარდამჭერებს. ჩვენთვის უპირობოდ მისაღები იქნება ის არჩევანი, რასაც ჩვენი საზოგადოება გააკეთებს. ჩვენ მზად ვართ მომავალზე პასუხისმგებლობის ასაღებად,”- განაცხადა არჩილ თალაკვაძემ.