დაავადებათა კონტროლის ეროვნული ცენტრის ხელმძღვანელის, ამირან გამყრელიძეს თქმით საქართველოში ბოლო ერთი კვირის განმავლობაში კორონავირუსის შემთხვევებმა მნიშვნელოვნად იმატა და გაჩნდა ორი ცხელი წერილი – ბაზრობები და გარდაბნის რაიონის სოფლები:
“სერიოზული გაფართოებული ტესტირება მიმდინარეობს “ლილოს ბაზრობაზე”, რამე თუ “ლილოს ბაზრობაზე” გადაიკვეთა მთელი რიგი შემთხვევები, როგორც გარდაბნის ისე სხვა კლასტერების.
ამიტომ იქ უკვე დავიწყეთ ინტენსიური ტესტირება და “ლილოს ბაზრობაზე” მომუშავე 1415 ადამიანს ჩაუტარდა ტესტირება. პირველ დღეს გვქონდა 4 დადასტურებული შემთხვევა, შემდეგ 1, შემდეგ 6 ნიმუშზე მიმდინარეობს ჩაღრმავებული კვლევა, განმეორებით. ასევე დღეს 500 ნიმუშის ტესტის პასუხი იქნება ცნობილი.
ბაზრობები და გარდაბნის მუნიციპალიტეტი გახდა უფრო მეტად საყურადღებო, სადაც მიმდინარეობს გაფართოებული ტესტირებები. ამავე დროს ზოგადად ბაზრობებთან მიმართებაში ვგეგმავთ გაფართოებულ ტესტირებას, რადგან ამ ტერიტორიებზე ყველაზე მაღალია მობილობა, ადამიანთა მისვლა-მოსვლა“, – განაცხადა ამირან გამყრელიძემ.
ავტორი
მახო ზავრაშვილი
