აჭარის მთავრობის ხელმძღვანელის, თორნიკე რიჟვაძის განცხადებით, საქართველოს მოქალაქეები თურქეთში სამუშაოდ წასვლას დამსაქმებლისგან გაცემული 3-თვიანი ოფიციალური მოწვევის საფუძველზე შეძლებენ. სამშობლოში დაბრუნების შემდეგ კი, ისინი ორკვირიან სავალდებულო კარანტინს გაივლიან. საკოორდინაციო საბჭოს სხდომაზე აღინიშნა, რომ ეპიდემიოლოგიური ვითარების კონტროლის მიუხედავად, მნიშვნელოვანია, საზღვარზე გადაადგილება, მათ შორის სამუშაო მიზნებით, კონკრეტული საფუძვლების და გარემოებების გათვალისწინებით ხდებოდეს:
“საქართველოს მოქალაქეები შეძლებენ თურქეთში სამუშაოდ წასლას, თუმცა უკან დაბრუნების შემდეგ გაივლიან სავალდებულო 2 კვირიან კარანტინს. შესაბამისად, მიუხედავად იმისა, რომ ეპიდემია აბსოლუტურად ექვემდებარება კონტროლს, ჩვენთვის მნიშვნელოვანია, რომ ყველა ეს მოძრაობა, ყველა ეს გადადინება, მათ შორის საზღვარზე, მათ შორის სამუშაო მიზნებით ხდებოდეს კონკრეტული საფუძვლების და კონკრეტული გარემოებების გათვალისწინებით. სწორედ ამიტომ ყველა მოქალაქე, რომელსაც სურვილი აქვს თურქეთში გადავიდეს სამუშაოდ ვალდებული იქნება წარმოადგინოს ოფიციალური ცნობა, 3 თვიანი, რომელიც გაცემული იქნება თურქეთიდან, შესაბამისი დამსაქმებლის მხრიდან,” – აღნიშნა თორნიკე რიჟვაძემ, აჭარის ავტონომიური რესპუბლიკის მთავრობის თავმჯდომარემ.