სამართალდამცავებმა თბილისი-რუსთავის დამაკავშირებელ ავტობანზე მიმავალი „BMW“ მარკის ავტომობილი გააჩერეს და ჩხრეკის შედეგად ნარკოტიკული საშუალებები და ასევე გარკვეული რაოდენობის თანხა ამოიღეს. დაკავებულია ავტომობილის მძღოლი. საქმე სავარაუდოდ ნარკოტიკული საშუალებების უკანონო ვაჭრობას ეხება.
ავტომაგისტრალზე სპეციალური დანიშნულების რაზმი და კრიმინალური პოლიციის თანამშრომლები იყვნენ მობილიზებულები და გარკვეული საგამოძიებო ღონისძიებები ჩაატარეს. ტერიტორიაზე ასევე დაკავებულის ოჯახის წევრებიც იმყოფებოდნენ.
სავარაუდოდ საქმე ნარკოტიკების უკანონო შენახვა-გასაღების ფაქტზე აღიძრება.
ავტორი
თამთა ასლანიშვილი
