ბუტა რობაქიძის საქმეზე 22 ივლისიდან სასამართლო განხილვების განახლდების საკითხს ეხმიანება “გამარჯვებული საქართველოს” ლიდერი ირაკლი ოქრუაშვილი. ოპოზიციონერ ლიდერს მიაჩნია, რომ ხელისუფლება მის დაშანტაჟებას ცდილობს:
“ჩემს წინააღმდეგ მე ამ საქმეს არ ვუყურებ როგორც პრობლემას, ამაში არ ვხედავ ვერაფერს განსაკუთრებულს და თან მინდა საკმაოდ მკაფიო გზავნილი გავუგზავნო ივანიშვილს: ეს საქმე არის ერთგვარი შანტაჟის მეშვეობით გამოყენებული ჩემს წინააღმდეგ, არანაირ შანტაჟსა და დაშინებას არ ვექვემდებარები. ვისთანაც გასდის, მასთან იმოქმედოს ასე.
ის, რომ ჩვენი სასამართლო თავისუფალი არა არის და პოლიტიკურად მოტივირებული საქმეები ჩვენს სასამართლოში არსებობს და ამ ყველაფრის უკან დგას ივანიშვილი, ეს ძალიან ბევრჯერ დადასტურდა. სამწუხაროა ის, რომ ივანიშვილიც თავისთავად, მაგრამ ეს ჩვენი პრობლემა არაა, ქვეყანა იხდის ძალან ძვირ ფასს ამისთვის. არჩევნების წინ საკმაოდ ცუდი შედეგები იქნება ეს ხელისუფლებისთვისაც და ქვეყნისთვისაც,” – განაცხადა ირაკლი ოქრუაშვილმა.
