“საქართველოს მთავრობა, რა თქმა უნდა, არ არის პრორუსული და კარგად ასრულებს სამუშაოს ბალანსის შენარჩუნებით” – საქართველოში ავსტრიის ელჩის, არად ბენკოს ამ განცხადებას ეხმიანება “ლეიბორისტული პარტიის” თავმჯდომარე შალვა ნათელაშვილი:
“აღარ მინდა ელჩების განცხადებათა კომენტირება, მაგრამ გული სკდება ამგვარ მოსაზრებებზე.
ბატონო ელჩო, ღმერთმა დაგიფაროთ, მაგრამ აბა რუსეთი ყოველ დღე ღობავდეს თითო ავსტრიულ სოფელს და მერე ვნახავდით როგორ დაბალანსებულ პოლიტიკას გაატარებდით მთლიანად და განსაკუთრებით კრემლის მიმართ. თუმცა რაღაა გასაკვირია როდესაც თქვენი ქვეყნის საგარეო საქმეთა მინისტრმა ქალბატონმა, ამასწინათ ოკუპანტი პუტინი საკუთარ ქორწილში დაპატიჟა და ლამის სული ამოხადა ვალსის ცეკვით.
წარსულს ნუ დაივიწყებთ და გაიხსენეთ რა მოუტანა ევროპას ვალსმა ჰიტლერთან,” – აცხადებს შალვა ნათელაშვილი.
