მოვუწოდებ ყველა ჩვენს სტრატეგიულ პარტნიორს მაქსიმალური ჩაერთულობისკენ, რათა თავიდან იქნეს აცილებული სომხეთსა და აზერბაიჯანს შორის მორიგი სამხედრო დაპირისპირება – გიორგი ვაშაძე

77

სომხეთსა და აზერბაიჯანს შორის განახლებულ საომარ მდგომარეობას ეხმიანება “ახალი საქართველოს” თავმჯდომარე გიორგი ვაშაძე. მისი თქმით აღნიშნული სისხლიანი დაპირისპირება რუსეთის პროვიცირებული და აქტიური ხელშეწყობითაა, რის გამოც ოპოზიციონერი ლიდერი მოუწოდებს სტრატეგიულ პარტნიორებს, პროცესებში აქტიური ჩართვისა და რეგიონში მშვიდობის დასამყარებლად:

უკიდურესად შემაშფოთებელია სომხეთსა და აზერბაიჯანს შორის მომხდარი სისხლიანი დაპირისპირება, რომელსაც არაერთი ადამიანის სიცოცხლე ემსხვერპლა. დარწმუნებული ვარ, რომ სიტუაციის ესკალაცია ან ფართომასშტაბიანი ქმედებები არც ერთი მხარის ინტერესებში არ შედის.

გასათვალისწინებელია რუსეთის როლი პოსტსაბჭოთა ქვეყნებში კონფლიქტური სიტუაციების სათავისოდ მოგვარების მხრივ. იგი წლებია სომხეთის მოკავშირედ გვევლინება, თუმცა შეიარაღებას აწვდის აზერბაიჯანს – ეს არის ის ორმაგი თამაში, რომელიც უკვე გამოიარა საქართველომ.

აქედან გამომდინარე, მოვუწოდებ ყველა ჩვენს სტრატეგიულ პარტნიორს მაქსიმალური ჩაერთულობისკენ, რათა თავიდან იქნეს აცილებული მორიგი სამხედრო დაპირისპირებები, რომელიც სავალალო შედეგების მომტანი იქნება არა მარტო ამ ორი ქვეყნისთვის, არამედ განვითარების საშუალებას დაუკარგავს მთელს სამხრეთ კავკასიის რეგიონს,” – აცხადებს გიორგი ვაშაძე.

აღნიშნულ განცხაქდებას „ახალი საქართველოს“ პრესსამსახური ავრცელებს.

კომენტარები