“წარმოგიდგენიათ ვინ გვყავს პრეზიდენტი?! – ესე იგი ქუჩაში ახლა ერთი-ერთზე გარჩევები დავიწყოთ?!” – გიორგი ვაშაძე

სალომე ზურაბიშვილის განცხადებას შაქარაშვილის საქმესთან დაკავშირებით პოლიტიკური პლატფორმა „ახალი საქართველოს“ ლიდერი გიორგი ვაშაძე ეხმაურება და აცხადებს, რომ საქართველო იმკის იმ კატასტროფას, რაც „ქართულმა ოცნებამ“ 2018 წელს საარჩევნო მოროდიორობით მიაღწია. ოპოზიციონერი ლიდერის განმარტებით საქართველოს პრეზიდენტი სირცხვილია ქართული საზოგადოების:

„ხალხო ჩვენ ვიმკით იმ კატასტროფას, რაც საარჩევნო მოროდიორობით გაიფორმა „ქართულმა ოცნებამ“ 2018 წელს, წარმოგიდგენიათ ვინ გვყავს პრეზიდენტი?! – ესე იგი ქუჩაში ახლა ერთი-ერთზე გარჩევები დავიწყოთ?! ვინ დამნაშავეა, ვინ მტყუანი და ვინ მართალია? ამას გვეუბნება ქვეყნის პრეზიდენტი? და ეს არის პრეზიდენტის განცხადება? ეს ქალი სირცხვილია საქართველოს სახელმწიფოებრიობის და ქართული საზოგადოების,“ – აცხადებს გიორგი ვაშაძე.

შეგახსენებთ, რომ სალომე ზურაბიშვილმა დღეს თავისი პოზიცია დააფიქსირა ვაჟკაცობასთან დაკავშირებით:

მე ვაჟკაცობა ვიცი ერთი-ერთზე და არა ჯგუფური, აგრესიული და ძალადობრივი ქმედებები ადამიანებზე – სალომე ზურაბიშვილი

ავტორი
თამთა ასლანიშვილ