გოგა ხაინდრავა მიმართვას ავრცელებს და უკრაინელ ჟურნალისტს, დიმიტრი გორდონს ალტერნატიულ ინტერვიუს სთავაზობს, რადგან მის ინტერვიუს მიხეილ სააკაშვილთან და ვანო მერაბიშვილთან, საქართველოში უარყოფითი გამოხმაურება მოჰყვა:
„ბატონო გორდონ, მიუხედავად იმისა, რომ რუსულენოვანი მაუწყებლობა საქართველოში პოპულარობით არ სარგებლობს, თქვენმა ინტერვიუმ მძიმე სისხლის სამართლებრივი დანაშაულისთვის საქართველოს სასამართლოს სამივე ინსტანციის მიერ გასამართლებულ მიხეილ სააკაშვილთან, მაინც გამოიწვია დიდი მღელვარება.
განსაკუთრებით, მონათხრობმა როგორც მის ბებიასა და სტალინზე, ასევე მისი ოჯახის „კგბ“-სთან კავშირზე.
ხოლო მეორე თქვენმა ინტერვიუმ, სააკაშვილის რეჟიმის ერთ-ერთ ყველაზე უარყოფით ფიგურასთან, საქართველოს ყოფილ პრემიერთან, ვანო მერაბიშვილთან და მის მიმართ თქვენმა არათუ პატივისცემის გამოხატულებამ, არამედ გადამეტებულმა სიყალბემ, გამოიწვია ჩვენში რეაქცია, რომელსაც დადებითს ნამდვილად ვერ ვუწოდებთ.
ვის თუ არა თქვენ, ჟურნალისტსა და ინტერვიუერს მოგეხსენებათ, რომ აუდიტორიას, სურათის მეტი სიცხადისთვის ალტერნატიული ვერსიის წარმოჩენაც სჭირდება იმ ადამიანისგან, რომელმაც დეტალურად იცის მრავალჯერ ტანჯული საქართველოს პოლიტიკა.
დარწმუნებული ვარ, ჩვენი დიალოგი შეიძლება ძალიან საინტერესო და ნაყოფიერი გამოვიდეს.
იმედი მაქვს, რომ პროფესიონალური სიამაყე უფლებას არ მოგცემთ, ჩემი შემოთავაზება დააიგნოროთ.
იმსჯელეთ ჩვენი სამშობლოების ბედზე და ყველა კითხვას პასუხი სამართლიან ბრძოლაში გავცეთ,“ – აცხადებს გოგა ხაინდრავა.
ავტორი
ეკა ქაჩლიშვილი
