„პატრიოტთა ალიანსის“ ლიდერი, პარლამენტის ვიცე-სპიკერი ირმა ინაშვილი მხარს უჭერს კალათბურთელ თორნიკე შენგელიას რუსეთის ,,ცესკაში“ გადასვლის გადაწყვეტილებას და გაკვირვებულია იმ ადამიანებით, ვინც მწვავედ აკრიტიკებდა სპორტსმენს. როგორც თავად ამბობს, არავინ არ არის ვინმეს ,,კარიერის რევიზორი“, ამიტომ საზოგადოებას გამოფხიზლებისკენ მოუწოდა:
,,თორნიკე შენგელიამ ბევრჯერ ასახელა საქართველო და კიდევ ბევრჯერ ასახელებს, მაგრამ მე სულ სხვა რამ მაფიქრებს:
1. ვინც შენგელიას თავს ესხმის, ამ აღშოთებულთაგან, ომის შემთხვევაში, რამდენი წავა წინა ხაზზე და დაიცავს სამშობლოს.
2. ვინ მოგვცა უფლება, რომ ავუკრძალოთ სპორტსმენს, მომღერალს არჩევანი სპორტსა და ხელოვნებაში, ვინ დაგვნიშნა მათი ,,კარიერის რევიზორებად”, გამოფხიზლდით.
3. ამ მარაზმიდან გამოსვლას როდის ვაპირებთ?,“ – წერს ირმა ინაშვილი ფეისბუქის პირად გვერდზე.
ავტორი
ქეთა გაბრიაძე
