ამერიკის კონგრესის მიერ გავრცელებულ ახალ დოკუმენტს, 132 მლნ დოლარის გამოყოფის კანონპროექტის ტექსტს, სახელმძღვანელოდ დღეს რამდენიმე დეტალური განმარტება დაემატა, რასაც გიორგი ვაშაძის განმარტებით „ქართულმა ოცნებამ“ გამოსწორების მაგივრად ფულით სცადა მოეგვარებინა საკითხი და მრავალრიცხოვანი არაერთი ლობისტური კომპანიების არმია შეასია კონგრესს და სენატს. საპასუხოდ კი უფრო მკაცრი შესწორებები მიიღო. ახალი საქართველოს თავმჯდომარის განცხადებით დოკუმენტში საუბარია არჩევნების სამართლიან და დემოკრატიულ გარემოში ჩატარებაზე, პოლიტიკოსების მიმართ ანგარიშსწორებაზე, მედიის თავისუფლებასა და სასამართლოში გამეფებულ კლანურ მმართველობაზე.
„ამერიკის შეერთებული შტატები მხარს უჭერს ქართულ დემოკრატიას და ეს კიდევ ერთხელ ნათლად გამოჩნდა. „ქართულმა ოცნებამ“ კონგრესის მიერ გავრცელებული პირველი ინფორმაციის შემდეგ, სადაც საქართველოს სანქციებზე იყო საუბარი, საკუთარი მრავალრიცხოვანი არაერთი ლობისტური კომპანიების არმია შეასია კონგრესს და სენატს. აღმოჩნდა, რომ „ქართული ოცნების“ არგუმენტი მხოლოდ ზოგადი ფრაზეოლოგია იყო საქართველოს კრიტიკასთან დაკავშირებით. ამის საპასუხოდ „ქართული ოცნებისათვის“ კიდევ უფრო მკაცრი შესწორებები შევიდა დოკუმენტში, რომელიც დამტკიცდება სავარაუდოდ უკვე საბიუჯეტო კომიტეტზე და რაც იმას ნიშნავს, რომ მას საბოლოო ჯამში მიიღებს საბიუჯეტო კომიტეტთან ერთად კონგრესი და სენატი.
დოკუმენტში საუბარია, რომ არჩევნები უნდა ჩატარდეს სამართლიანად, საუბარია იმ სასამართლოში გამეფებულ კლანურ მმართველობაზე, რომელიც „ქართულმა ოცნებამ“ შექმნა ქვეყანაში, საუბარია მედია თავისუფლებაზე, საუბარია პოლიტიკოსების მიმართ ანგარიშსწორებაზე და საუბარია ქვეყანაში ოლიგარქიულ მმართველობაზე, რომელსაც არცერთ შემთხვევაში არ შეეგუება ამერიკის შეერთებული შტატები.
„ქართულ ოცნებას“ ამ ორი დღის განმავლობაში ჰქონდა არჩევანი, რომ შეესრულებინა და პრობლემურ წერტილებზე პროგრესი ეჩვენებინა და რაღაც გამოესწორებინა, თუმცა მათ აირჩიეს სხვა გზა. ეგონათ ფულით კონგრესში და სენატში რამეს გადაწყვეტდნენ.
მსურს მივმართო ბიძინა ივანიშვილს, გიორგი გახარიას და „ქართული ოცნების“ ლიდერებს: თქვენ ალბათ რუსეთი გგონიათ, ამერიკის შეერთებული შტატები, სადაც ფულით შეგიძლიათ ყველაფერი მოაგვაროთ. ამერიკა მხარს უჭერს ქართულ დემოკრატიას და ქართველ ხალხს და არ მოგცემთ არცერთ შემთხვევაში დემოკრატიის ფეხქვეშ გათელვის შესაძლებლობას.
ერთადერთი გზა რაც აგვარიდებს თითოეულ საქართველოს მოქალაქეს სანქციებს რომელზეც საუბარია ამ დოკუმენტში, დაუყოვნებლივ უნდა შეასრულოთ ყველა ის მოთხოვნა, რომელიც ჩვენი ამერიკელი პარტნიორები მხრიდან მომდინარეობს, დაუყოვნებლივ ხელი აიღოთ ქართული დემოკრატიის ხელყოფიდან, ჩაატაროთ სამართლიანი არჩევნები და მოემზადოთ ოპოზიციაში გადასვლისათვის. იმიტომ, რომ ეს არის საქართველოში დემოკრატიული განვითარების ერთადერთი გზა.
ყელში ამოუვიდა ყველას უკვე თქვენი მავნებლობა, რის გამოც ზიანს იღებს ჩვენი სახელმწიფო და სახელმწიფო ინტერესები.
შეუქცევადია ეს პროცესი, რაც არ უნდა ფული დახარჯოთ ლობისტებში, ვინც არ უნდა ჩარიოთ, ეს არ შეიცვლება! ლობისტი არ წყვეტს ამას. მას წყვეტს ის ამერიკელი პოლიტიკოსები, რომლისთვისაც საქართველო არის სტრატეგიული პარტნიორი, რომლისთვისაც სულერთი არ არის საქართველოში როგორი მმართველობა იქნება.
ამერიკას სჭირდება ძლიერი საქართველო, როგორც წამყვანი პარტნიორი რეგიონში. თქვენ ამ ყველაფერს ეწინააღმდეგებით. სწორედ ამიტომ განაჩენი გამოგიტანათ საერთაშორისო საზოგადოებამ და ასევე განაჩენს გამოგიტანთ ქართველი ხალხი 31 ოქტომბერს ქართული არჩევნებით,” – განაცხადა გიორგი ვაშაძემ.
ავტორი
თამთა ასლანიშვილი