“ახალი საქართველოს” პოლიტსაბჭოს წევრმა, ‘’სტრატეგია აღმაშენებლის” გუნდის განათლების მიმართულების ხელმძღვანელმა, ნანა ტოხვაძემ და „ახალი საქართველოს“ ლიდერმა გიორგი ვაშაძემ სასკოლო საზოგადოებასთან შეხვედრა გამართეს და “ახალი ქართული გიმნაზიის” პედაგოგებთან ერთად იმსჯელეს სწავლის განახლების აუცილებლობაზე. ნანა ტოხვაძე აღნიშნავს, რომ სახელმწიფომ თავი უნდა შეიწუხოს და შექმნას განათლების ხელმისაწვდომობის პირობები სოფლად თუ ქალაქად მცხოვრები მოსწავლეებისთვის:
“სულ რამდენიმე დღის წინ გაეროს ბავშვთა ფონდმა გამოაქვეყნა გზამკვლევი მთავრობებისთვის, რომელიც მოუწოდებს სახელმწიფოებს დაუბრუნონ ბავშვები და მასწავლებლები სკოლებს. კარგად უნდა გვესმოდეს, რომ სკოლა არ არის მხოლოდ საგნობრივი ცოდნის შეძენის დაწესებულება, მას აქვს სააღმზრდელო და მოზარდთა სოციალიზაციის უმნიშვნელოვანესი ფუნქცია. რაც შეეხება ჩვენი ქვეყნის მზაობას ამ კუთხით, განათლების სამინისტრომ, სკოლების ხელმძღვანელებმა შეუძლებელი უნდა შეძლონ ბავშვის საუკეთესო ინტერესების დასაცავად.
საბედნიეროდ, მთელს მსოფლიოში ეპიდემიოლოგიური ვითარება დასტაბილურდა. ეფექტური მართვის შემთხვევაში შესაძლებელია სექტემბრის პირველივე რიცხვებიდან დავიწყოთ სასწავლო პროცესი, რასაკვირველია, მოსწავლეთა ჯანმრთელობის უსაფრთხოების დაცვით, რადგან საქართველოს აქვს შესაფერისი მოცემულობა და სახელმწიფომ თავი უნდა შეიწუხოს შექმნას განათლების ხელმისაწვდომობის პირობები სოფლად თუ ქალაქად მცხოვრები მოსწავლეებისთვის. მომავალი განათლებაშია და ამ ეგიდით უნდა იხელმძღვანელოს განათლების სფეროში ჩართულმა თითოეულმა მხარემ.
სკოლის ‘’ლიდერთა ასოციაციის” აღმასრულებელი, ელზა ბადაშვილი ერთ-ერთი ინიციატორია პეტიციისა, რომელიც სასწავლო პროცესის 1 სექტემბერს დაწყებას გულისხმობს. მოვუწონეთ, მოვისმინეთ მისი არგუმენტები და ვთვლით, რომ გასათვალისწინებელია,” – განაცხადა ნანა ტოხვაძემ.