“ტაბულას“ დამფუძნებელი თამარ ჩერგოლეიშვილი პარტიის შექმნას აანონსებს. ამის შესახებ ინფორმაცია საკუთარ „ფეისბუქ” გვერდზე გაავრცელა:
“მოკლედ, დიდი მსჯელობის შემდეგ, ჩამოვყალიბდი, რომ პარტიას ვქმნი, იმისთვის, რომ კვოტები გავაუქმო.
ცხადია, პარტიის ამოცანა ქალების ემანსიპაცია იქნება, კონტრპროდუქტიული პოზიტიური დისკრიმინაციის გარეშე,” – წერს თამარ ჩერგოლეიშვილი.
“ტაბულას” დამფუძნებელი დეტალებზე ჯერ არ საუბრობს, თუმცა „ფეისბუქ”-პოსტის კომენტარებში აღნიშნავს, რომ „კვოტის შემოქმედები დაინახავენ, რომ ქალებს კაცების შედგენილი სიების და იქ გაღებული მოწყალების გარეშეც და ზოგადად, კაცების გარეშეც შეუძლიათ გამარჯვება“.
კომენტარებში დასმულ შეკითხვაზე – „ევროპული საქართველო“ რატო ვერ შეითავსებს მაგ მიზანს და გადავა თუ არა გიგა ბოკერია, მეუღლის პარტიაში თამარ ჩერგოლეიშვილი ასე პასუხობს:
„ვერა – ჩემი ტაქტიკა სხვა იქნება, ამ ტაქტიკით ეგენი წინ ვერ წავლენ და არც მინდა, რომ ეს ბრძოლა „ევროპულ საქართველოს“ დავუთმო.
გიგა ბოკერია რა შუაშია ჩემს გეგმებთან? ამასთან, ჩემთან ვერ გადმოვა – სიაში ვერ მოხვდება, ვიბრძოლებ, რომ პარტიულ სიაში მარტო ქალები იყვნენ“.
ავტორი
თამთა ბარბაქაძე