‘’ერთიანი ნაციონალური მოძრაობის’’ პოლიტსაბჭოს წევრი, ხატია დეკანოიძე აცხადებს, რომ თუ საქართველოში არ ჩატარდება დემოკრატიული არჩევნები და საქართველოს მოქალაქეების ნება არ იქნება გადათარგმნილი საარჩევნო ყუთებთან. ხელისუფლებისთვის შედეგები იქნება ძალიან მძიმე და ცივილიზაციის რისხვა მოხვდებათ ცხვირში:
„ჩვენ ვხედავთ ხელისუფლების წარმომადგენლების მხრიდან ბიძინა ივანიშვილის პოლიტიკური, მის გარშემო კონცენტრირებული მსახურების მიერ ძალიან მძიმე სიძულვილის ენის გაღვივებას, რომლითაც ისინი იხსენიებენ ოპოზიციას.
ოპოზიციას, რომელსაც უწოდებენ რადიკალურ ოპოზიციას, ოპოზიციას რომელსაც უწოდებენ კრიმინალურ ოპოზიციას, მათ შორის პარლამენტის ყველაზე მაღალი ტრიბუნიდან საქართველოს პრემიერ-მინისტრი არ ერიდება ‘’ძველბიჭურ გარჩევებს’’ ზუსტად ოპოზიციის მიმართულებით.
იმ შემთხვევაში თუ საქართველოში არ იქნება ნორმალური საარჩევნო ვითარება, იმ შემთხვევაში თუ საქართველოში არ ჩატარდება დემოკრატიული არჩევნები და საქართველოს მოქალაქეების ნება არ იქნება გადათარგმნილი საარჩევნო ყუთებთან, ხელისუფლებისთვის შედეგები იქნება ძალიან მძიმე, ზუსტად საქართველოს მოქალაქეების და ზოგადად ცივილიზაციის რისხვა მოხვდებათ ცხვირში თუ გააგრძელებენ ასეთი პოლარიზების დათესვას საზოგადოებაში,“ – აცხადებს ხატია დეკანოიძე.
ავტორი
თამთა ასლანიშვილი
