დეპუტატ ვიქტორ ჯაფარიძის ბიზნესსა და მისი ოჯახის ტენდერებში მონაწილეობასთან დაკავშირებით “საერთაშორისო გამჭვირვალობა – საქართველოს” მიერ გამოქვეყნებულ მასალებს ეხმიანება პარლამენტის ყოფილი თავმჯდომარე, “ქართული ოცნების” აღმასრულებელი მდივანი და აცხადებს, რომ საქმე გვაქვს არასამთავრობო ორგანიზაციის მიერ გავრცელებულ “ფეიკ ნიუსთან”. ამასთან, ირაკლი კობახიძეს მიაჩნია, რომ აღნიშნული მიზანმიმართული კამპანიის ნაწილია:
“საერთაშორისო გამჭვირვალობას” დაწყებული აქვს საარჩევნო კამპანია, ამის ნიშნები აშკარად იკვეთება და საკმაოდ ინტენსიურია ეს კამპანია მთელი ამ პერიოდის განმავლობაში.
ინტენსიური Fake-კამპანია წარმოებს “ქართული ოცნების” და პარტიის წარმომადგენლების წინააღმდეგ. ეს კამპანია არის გაშლილი და სხვადასხვა სუბიექტია ამ ყველაფერში ჩართული – ოპოზიციური სუბიექტები, რა თქმა უნდა, მათი მედია და ა.შ., მათთან დაკავშირებული სხვა ორგანიზაციები.
ჩვენ ძალიან ხშირად ვავლენთ ხოლმე მათი მხრიდან გავრცელებულ “ფეიკ ნიუსს”. შესაბამისად, აქაც 99%-იანი ალბათობით, მე დარწმუნებული ვარ, რომ ეს იქნება “ფეიკ ნიუსი”,” – განაცხადა ირაკლი კობახიძემ.