პოლიტიკური პლატფორმა „ახალი საქართველოს“ თავმჯდომარე გიორგი ვაშაძე ოპოზიციონერი ლიდერების წინააღმდეგ მიმართულ კამპანიას ეხმიანება და აცხადებს, რომ ასეთი აღვირახსნილი კრიტიკა მხოლოდ და მხოლოდ „ქართულ ოცნებასა“ და ბიძინა ივანიშვილის ინტერესებში შედის.
„ქართული ოცნება“ და ბიძინა ივანიშვილი ოცნებობდა და ლამობდა, რომ ოპოზიციაში მაჟორიტარულ ოლქებზე არ მომხდარიყო შეთანხმება, კოვზი ნაცარში ჩაუვარდათ და მაჟორიტარულ ოლქებზე შეთანხმება მოხდა. ამ დღიდან ოპოზიციაში ჩნდებიან ადამიანები, რომლებიც იმის ნაცვლად, რომ ივანიშვილს და გახარიას აკრიტიკებდნენ, დაიწყეს აღვირახსნილი თავდასხმა ოპოზიციონერ ლიდერებზე.
დავსვათ კითხვა – ვის ინტერესებში შედის ეს ყველაფერი? – რა თქმა უნდა „ქართული ოცნებისა“ და ბიძინა ივანიშვილის. ასევე ამ ადამიანებთან მაქვს კითხვა: მართლა ოპოზიცია ჰგონიათ თავი?
ოპოზიციის ოპოზიციონერობით გინდათ ხალხის მხარდაჭერა და ხმები მოიპოვოთ?! ან შეთანხმების წინააღმდეგ ბრძოლით გინდათ, რომ მოიპოვოთ ელექტორალური ბაზისი?! – უკაცრავად, მაგრამ ყველაფერს ჩვენ თავისი სახელი უნდა დავარქვათ. ეს არის „ქართული ოცნების“ სასარგებლოდ გაკეთებული საქმე.
აქედან გამომდინარე, გვარებსაც აღარ დავასახელებ, თითოეულ მათგანს მოვუწოდებ, რომ ჩვენ ოპოზიციის ლიდერების აღვირახსნილ უწმაწურ კრიტიკას შეეშვით და თუ მართლა ოპოზიციონერები ხართ, ისაუბრეთ იმაზე, რაც რეალურად ქვეყანაში ხდება და რა გაჭირვების და პრობლემის წინაშეც არის დღეს ხალხი,“- განაცხადა გიორგი ვაშაძემ.
ავტორი
თამთა ასლანიშვილი
