ერთდღიანი საძიებო სამუშაოების შემდეგ სამაშველო ჯგუფმა მდინარე რიონში შუახნის მამაკაცის ცხედარი იპოვა.
საგანგებო სიტუაციების მართვის სამსახურის საზოგადოებასთან ურთიერთობის სამმართველოს უფროსის თქმით, მამაკაცის დაკარგვის შესახებ 112-ში შეტყობინება 24 ივნისს შევიდა, რის შემდეგაც საძიებო სამუშაოები დაიწყო.
“24 ივნისს, გადაუდებელი დახმარების ოპერატიულ მართვის ცენტრში შემოვიდა შეტყობინება, რომ მდინარე რიონის ერთ-ერთ არხში ჩავარდა და გაუჩინარდა შუახნის მამაკაცი. ადგილზე მობილიზებული იყო მყვინთავ მაშველთა პირადი შემადგენლობა და სპეც ტექნიკა, რომლითაც ხდებოდა წყლის ფსკერის სკანირება. დღეს დილით დაკარგული მამაკაცის ცხედარი მაშველებმა იპოვეს,”- განაცხადა რატი მუჯირმა.
ლიკა დევდარიანი
სააგენტო “პარალელის”
რეგიონალური კორესპონდენტი
