საკონსტიტუციო ცვლილების პირველივე მოსმენაზე მიღებით კიდევ ერთი მნიშვნელოვანი ნაბიჯი გადაიდგა უკეთესი და შედარებით სამართლიანი საარჩევნო სისტემის გზაზე – გიორგი ვაშაძე
საკონსტიტუციო ცვლილებების პროექტის პირველი მოსმენით მიღებას პოლიტიკური პლატფორმა „ახალი საქართველოს“ თავმჯდომარე გიორგი ვაშაძე ეხმაურება და აცხადებს, რომ კიდევ ერთი მნიშვნელოვანი ნაბიჯი გადაიდგა უკეთესი და შედარებით სამართლიანი საარჩევნო სისტემის გზაზე. მთავარი – პროცესის ბოლომდე მიყვანაა. განვლილი პერიოდი კი ნათელი მაგალითია იმისა, რომ ერთიანობას, თუნდაც თემატურს, ალტერნატივა არ აქვს:
“დღეს, საკონსტიტუციო ცვლილების პირველი მოსმენით მიღებით, კიდევ ერთი მნიშვნელოვანი ნაბიჯი გადაიდგა უკეთესი და შედარებით სამართლიანი საარჩევნო სისტემის გზაზე.
ახლა მთავარია პროცესის ბოლომდე მიყვანა. განვლილმა პერიოდმა ნათლად დაგვანახა, რომ ერთიანობას, თუნდაც თემატურს, ალტერნატივა არ აქვს. დღევანდელი დღე არის ყველას საერთო წარმატება.
ძალა ერთობაშია! საქართველო გაიმარჯვებს!” – განაცხადა გიორგი ვაშაძემ.
ავტორი
თამთა ასლანიშვილი
