მაჟორიტარობის კანდიდატებს პარასკევს წარადგენენ და ასევე ყველა საკითხზე შესაბამისი პასუხები ექნებათ, აცხადებს პოლიტიკური პლატფორმა “ახალი საქართველოს” თავმჯდომარე გიორგი ვაშაძე. ოპოზიციონერი ლიდერი ასევე აღნიშნავს, რომ საინტერესო ფორმულა შეიმუშავეს თბილისის მაჟორიტარებთან დაკავშირებით და კანდიდატებად იქნებიან ის პიროვნებები, რომლებსაც ყველაზე მეტი მხარდაჭერა აქვთ საზოგადოების მხრიდან:
“იყო გარკვეული აზრთა სხვადასხვაობა. ყველაზე მეტად ვწუხვარ, როცა ჩვენი მხარდამჭერები, რომლებიც ოპოზიციის ერთიანობაში ხედავენ გამოსავალს, ცოტა დავაბნიეთ, მაგრამ პარასკევს ყველანი ერთად შევიკრიბებით და ყველა საკითხზე გვექნება შესაბამისი პასუხები.
აუცილებლად დავასახელებთ უკვე კანდიდატებს, ვისაც წარვადგენთ თბილისში. ძალიან საინტერესო ფორმულა მოვიფიქრეთ, როგორ ვაპირებთ თბილისის მაჟორიტარების კუთხით მოქმედებას. მთავარია წარვადგინოთ პიროვნებები, რომლებსაც ყველაზე მეტი მხარდაჭერა ექნებათ საზოგადოების მხრიდან,” – აცხადებს გიორგი ვაშაძე.
ავტორი
თამთა ასლანიშვილი
